Tramp Putinmen kezdesedi

Aq üy basşısı Donal'd Tramp Resey prezidenti Vladimir Putinmen kezdesedi. Bwl turalı AQŞ prezidentiniñ wlttıq qauipsizdik boyınşa keñesşisi Djon Bolton «Interfaks» agenttigine habarladı.

23 qazanda amerikalıq sayasatker Djon Bolton men Putiin Mäskeude kezdesu ötkizgen bolatın. Kezdesu barısında qos tarap AQŞ-tıñ orta jäne qısqa qaşıqtıqqa wşatın zımırandardı joyu turalı kelisimnen şığuın talqıladı. Osığan deyin Mäskeu «Amerika atalğan kelisimnen şığatın bolsa, älemge ülken qauip tönedi» – degen. Djon Bolton bwl pikirmen kelispeytinin bildirip, «kerisinşe, Resey zımırandarınıñ Europa aumağında ornalasuı öte qauipti. Uaşington Resey tarapı osı kelisimdi bwzıp otır dep esepteydi, sol üşin odan şığu turalı şeşim qabıldadı» – dedi. Jospar boyınşa eki el basşısınıñ kezdesui Parijde 11 qaraşa küni ötedi. Birinşi düniejüzilik soğıstıñ ayaqtalğanına 100 jıl toluına oray osı data tañdalğan.

Reuters agenttiginiñ mälimetinşe, AQŞ prezidentiniñ keñesşisi Mäskeudiñ 2016 jılğı prezident saylauına kiligui Reseydiñ özine bumerang bop wşqanın basa aytqan. Onıñ oyınşa, osı jağdaydan keyin astırtın qılıqtarı äşkere bolğan Resey sayasi qısımğa wşırap, endigäri Amerikadağı saylauğa mülde aralasuğa bolmaytının tüsingen.

"The Qazaq Times"