Afrika üşin jaña talas. foto: spotlight.africa7

Tramp ükimeti jaqında AQŞ-tıñ jaña Afrika strategiyasın jariya etpek. Qwrama Ştattıñ Afrika isteri jönindegi  ökili bwl jaylı: «Jaña Afrika strategiyası arqılı öñirdegi halıqtı jwmıspen qamtudı joğarlatıp, investiciya saluğa mümkindikter jaratamız.  Bwl strategiyanıñ Afrikanıñ jedel damuına Qıtaydan köri köbirek üles qosatınına senimdimiz», – degen.

Memlekettik departamentke qarastı Afrika isteri jönindegi hatşınıñ kömekşisi  Tibor Negi (Tibor Nagy) VOA aqparat agenttigine bergen swhbatında: «Prezident Trampqa deyin Qwrama Ştat Afrikadağı soğısıtı toqtatu, adam qwqıqtarın qorğau, jalpı jağıdaydı ornıqtı wstau jwmıstarına basa män berip keldi. Tek osı aytılğandar tolığımen jüzege asqannan keyin ğana ekonomikanı jebeudi qolğa alğan.  Al, jaña strategiya bwdan özgeşe.  Tramp ükimetiniñ bastı maqsatı sırttan kelip investiciya saluğa tolıqtay jağıday jasau bolıp belgilengen, osı arqılı qarjıgerlerdi Afrika qwrlığına tartudı közdeydi», – deydi.

2015 jılı Qıtay ükimeti Afrikağa 60 mlrd AQŞ dollar köleminde kömek qarjısı men investiciya salatının mälimdegen. Al qırküyekte ötken «Qıtay-Afrika forumında» Qıtay biligi bwl qarajatqa tağı  60 mlrd dollar qosqanın mälimdegen.

Tibor Nagi AQŞ pen Qıtaydıñ Afrika strategiyasınıñ bastı ayırmaşılığın da atap körsetti. Aytalıq, ol Qıtay ükimeti Afrikağa tek qarjılay kömek jasaumen ğana şektelgenin, al, AQŞ-tıñ jaña strategiyası afrikalıqtardı jwmıspen qamtu, sol arqılı ekonomikalıq körsetkişteriniñ joğarlatuğa negizdelgen.

AQŞ vice-prezident Mayk Pens qazannıñ bas şeninde jasağan mälimdemesinde: «Qıtaydıñ kedey elderge arnalğan infraqwrılımdıq nesieleriniñ ösimderi anıq körsetilmegen. Qalay bolsa da Beyjiñniñ tabatın tabısı basımıraq», – dep körsetken bolatın. Sonımen qatar memlekettik hatşı Pompeo bwl infraqwrılmdar uaqıt öte kele öñirdiñ qauipsizdigine qater töndirui mümkin ekenin aytqan.

Beyjiñ 22 qazan küngi mälimdemesinde, AQŞ lauazımdılarınıñ bwl sözine jauap berip: Atalğan joba «Bir beldeu, bir jol» strategiyası ayasında taraptarğa ortaq paydalı etip jobalanğan.  Qwrama Ştattıñ bwl ayıptaularına eş negiz joq. Äri bwl jala jabu men arandatuşılıq bolıp sanaladı», – dep bağalağan.

“The Qazaq Times”