Europa elderi Haşoggi ölimine baylanıstı birlesken deklaraciya jariyaladı. Foto: Reuters.

Saud Arabiyasınıñ ükimeti Jamal Haşoggidiñ öz konsuldığında öltirilgenin, äri onı jasağan saud arabiyalıq agentter ekenin moyındağannan keyin halıqaralıq sın-pikirler bwrınğıdan da üdey tüsti. Europalıq köşbasşı elderdiñ SİM basşıları birlesken mälimdeme jasap, Saud bilgine eñ qatañ ayıptau joldağandarın bildirdi.

Türkiyalıq "Anadolı" aqparattıq agenttiginiñ habarına qarağanda Germaniya, Franciya jäne Wlıbritaniya sırtqı ister ministrligi Haşoggi ölimine baylanıstı qaytalay jäne birlesken mälimdeme jasap, Saud biliginiñ bwl äreketin «jabayılıq» retinde bağalağan. Mälimdemede: «Saud Arabiyasınıñ elşiliginde kisi öliminiñ boluı wzaq uaqıttan beri jasırılıp keldi. Eñ ökinişti bwl küdiktiñ rastaluı boldı. Körsetilui mümkin qanday da bir sebepter bwl ölimniñ ornın toltıra almaydı. Biz bwnı eñ qatañ türde ayıptayımız», – delingen.

Üş eldiñ deklaraciyasında 2 qazandağı oqiğanı tolıqtay anıqtaudı, aşıq jariya etudi, Saud Arabiyasınıñ dälelderin tolıq wsınuın talap etken. Qazirge deyin jariya bolğan mälimetterdiñ senimdiligin qaytalay tekserudi talap etedi.

Saud biligi Haşoggi ölimi arqılı diplomatiyalıq senimin joğaltıp aldı. Keşe Saud Arabiyasınıñ aqparat qwraldarı korol' Salman äs-Saudtıñ Haşoggidiñ tuıstarına köñil aytqanın habarladı. Jwmıstan bosatu, jazalau, qamau şaraları atqarılıp jatqanımen, älem elderiniñ Saud biligin ayıptauın toqtata alğan joq.

“The Qazaq Times”