ەۋروپالىق ەلدەر ساۋد ارابياسىن «جابايىلىقپەن» كىسى ولتىرگەنىن ايىپتادى

ساۋد ارابياسىنىڭ ۇكىمەتى جامال حاشوگگيدىڭ ءوز كونسۋلدىعىندا ولتىرىلگەنىن، ءارى ونى جاساعان ساۋد ارابيالىق اگەنتتەر ەكەنىن مويىنداعاننان كەيىن حالىقارالىق سىن-پىكىرلەر بۇرىنعىدان دا ۇدەي ءتۇستى. ەۋروپالىق كوشباسشى ەلدەردىڭ ءسىم باسشىلارى بىرلەسكەن مالىمدەمە جاساپ، ساۋد بيلگىنە ەڭ قاتاڭ ايىپتاۋ جولداعاندارىن ءبىلدىردى.

تۇركيالىق "انادولى" اقپاراتتىق اگەنتتىگىنىڭ حابارىنا قاراعاندا گەرمانيا، فرانتسيا جانە ۇلىبريتانيا سىرتقى ىستەر مينيسترلىگى حاشوگگي ولىمىنە بايلانىستى قايتالاي جانە بىرلەسكەن مالىمدەمە جاساپ، ساۋد بيلىگىنىڭ بۇل ارەكەتىن «جابايىلىق» رەتىندە باعالاعان. مالىمدەمەدە: «ساۋد ارابياسىنىڭ ەلشىلىگىندە كىسى ءولىمىنىڭ بولۋى ۇزاق ۋاقىتتان بەرى جاسىرىلىپ كەلدى. ەڭ وكىنىشتى بۇل كۇدىكتىڭ راستالۋى بولدى. كورسەتىلۋى مۇمكىن قانداي دا ءبىر سەبەپتەر بۇل ءولىمنىڭ ورنىن تولتىرا المايدى. ءبىز بۇنى ەڭ قاتاڭ تۇردە ايىپتايىمىز»، – دەلىنگەن.

ءۇش ەلدىڭ دەكلاراتسياسىندا 2 قازانداعى وقيعانى تولىقتاي انىقتاۋدى، اشىق جاريا ەتۋدى، ساۋد ارابياسىنىڭ دالەلدەرىن تولىق ۇسىنۋىن تالاپ ەتكەن. قازىرگە دەيىن جاريا بولعان مالىمەتتەردىڭ سەنىمدىلىگىن قايتالاي تەكسەرۋدى تالاپ ەتەدى.

ساۋد بيلىگى حاشوگگي ءولىمى ارقىلى ديپلوماتيالىق سەنىمىن جوعالتىپ الدى. كەشە ساۋد ارابياسىنىڭ اقپارات قۇرالدارى كورول سالمان ءاس-ساۋدتىڭ حاشوگگيدىڭ تۋىستارىنا كوڭىل ايتقانىن حابارلادى. جۇمىستان بوساتۋ، جازالاۋ، قاماۋ شارالارى اتقارىلىپ جاتقانىمەن، الەم ەلدەرىنىڭ ساۋد بيلىگىن ايىپتاۋىن توقتاتا العان جوق.

“The Qazaq Times”