Tramp pen Kim Joñ Unnıñ Singapurdağı kezdesui. Foto: Reuters

Aq üy joğarı lauazımdılardıñ biri sol eldiñ aqparat qwraldarına bergen mälimetine qarağanda, AQŞ prezidenti men Soltüstik Koreya basşısınıñ ekinşi retki kezdesui biıl jıldıñ soñına qaray boluı mümkin ekenin aytqan. Bwl turalı The New York Times basılımı jazdı.

Öziniñ atı-jöni men lauazımın atamaudı swrağan Aq üy qızmetkeri, AQŞ pen Soltüstik Koreya arasında Tramp-Kim arasındağı ekinşi kezdesu turalı kelissözderdiñ bolıp jatqanın rastağan. Degenmen, orın jäne uaqıtı turalı mälimetterdi jariya etpegen.

Esteriñizge sala keteyik, Tramp pen Kim Joñ Un biıl mausım ayında alğaş retki äri tarihi kezdesuin Singapurda ötkizgen bolatın. Al, qırküyek ayında eki eldiñ basşıları qaytalay kezdesip, kelissöz ötkizuge kelisken edi.

Pompeonıñ qazan ayınıñ bas şenindegi Soltüstik Koreyanıñ ortalıq qalası Pioñyañğa (Phen'yan) jasağan saparı kezinde, ekinşi retki Tramp-Kim kelissöziniñ uaqıtı men orını turalı kelisim jasadı degen mälimetter bar. Alayda, taraptar bwl turalı informaciyalardı äli de qwpiya wsap otır.

Degenmen, osı mälimetterge süyene otırıp, AQŞ pen KHDR kezekti sammittiñ ötetin orını men uaqıtına alda-bwrın kelisimge kelip ülgirgen boluı mümkin dep boljauğa boladı. Tek, uaqıt pen orın turalı mälimetterdi eki el basşıların amandıq qorğauşıları kezdesu orının tolıqtay baqılauına alıp bolğan kezde ğana jariya etui mümkin.

“The Qazaq Times”