ترامپ-كيم اراسىنداعى ەكىنشى رەتكى سامميت جىل سوڭىندا ءوتۋى مۇمكىن

اق ءۇي جوعارى لاۋازىمدىلاردىڭ ءبىرى سول ەلدىڭ اقپارات قۇرالدارىنا بەرگەن مالىمەتىنە قاراعاندا، اقش پرەزيدەنتى مەن سولتۇستىك كورەيا باسشىسىنىڭ ەكىنشى رەتكى كەزدەسۋى بيىل جىلدىڭ سوڭىنا قاراي بولۋى مۇمكىن ەكەنىن ايتقان. بۇل تۋرالى The New York Times باسىلىمى جازدى.

ءوزىنىڭ اتى-ءجونى مەن لاۋازىمىن اتاماۋدى سۇراعان اق ءۇي قىزمەتكەرى، اقش پەن سولتۇستىك كورەيا اراسىندا ترامپ-كيم اراسىنداعى ەكىنشى كەزدەسۋ تۋرالى كەلىسسوزدەردىڭ بولىپ جاتقانىن راستاعان. دەگەنمەن، ورىن جانە ۋاقىتى تۋرالى مالىمەتتەردى جاريا ەتپەگەن.

ەستەرىڭىزگە سالا كەتەيىك، ترامپ پەن كيم جوڭ ۋن بيىل ماۋسىم ايىندا العاش رەتكى ءارى تاريحي كەزدەسۋىن سينگاپۋردا وتكىزگەن بولاتىن. ال، قىركۇيەك ايىندا ەكى ەلدىڭ باسشىلارى قايتالاي كەزدەسىپ، كەلىسسوز وتكىزۋگە كەلىسكەن ەدى.

پومپەونىڭ قازان ايىنىڭ باس شەنىندەگى سولتۇستىك كورەيانىڭ ورتالىق قالاسى پيوڭياڭعا (پحەنيان) جاساعان ساپارى كەزىندە، ەكىنشى رەتكى ترامپ-كيم كەلىسسوزىنىڭ ۋاقىتى مەن ورىنى تۋرالى كەلىسىم جاسادى دەگەن مالىمەتتەر بار. الايدا، تاراپتار بۇل تۋرالى ينفورماتسيالاردى ءالى دە قۇپيا ۇساپ وتىر.

دەگەنمەن، وسى مالىمەتتەرگە سۇيەنە وتىرىپ، اقش پەن كحدر كەزەكتى ءسامميتتىڭ وتەتىن ورىنى مەن ۋاقىتىنا الدا-بۇرىن كەلىسىمگە كەلىپ ۇلگىرگەن بولۋى مۇمكىن دەپ بولجاۋعا بولادى. تەك، ۋاقىت پەن ورىن تۋرالى مالىمەتتەردى ەكى ەل باسشىلارىن اماندىق قورعاۋشىلارى كەزدەسۋ ورىنىن تولىقتاي باقىلاۋىنا الىپ بولعان كەزدە عانا جاريا ەتۋى مۇمكىن.

“The Qazaq Times”