Qwrama Ştattardıñ prezidenti Donal'd Tramp AQŞ jergilikti uaqıtımen jwma küni keşte mälimdeme jasap, Saud Arabiyasına Haşoggi isine baylanıstı sankciya salatının, Kongress sankciya şaraların dayındauğa kirisetinin mälimdedi.

Osıdan säl ğana bwrın Saud Arabiyasınıñ ükimeti mälimdeme jasap, oppoziciyalıq jurnalist Jamal Haşoggi Stambuldağı Saud Arabiyasınıñ elşiliginde qaytıs bolğanın moyındağan. Äri, Haşoggidi elşilikte atıs kezinde qaza taptı delingen. Alayda, eki apta boyı Er-Riyad biligi Haşoggidi öz elşiliginde öltirildi degendi joqqa şığarıp kelgen edi.

Saud Arabiyası ükimeti jariyalağan mälimette: «Haşoggi konsuldıqta özi kezdesken adammen atıs barısında köz jwmğan, tergeu äli jalğasuda, osı ispen qatısı bar delingen 18 saud arabiyalıq azamat qolğa alındı», – delingen.

Al, Saud Arabiyanıñ BAQ qwraldarı, korol' Salman äs-Saudtıñ eki birdey joğarı lauazımdı twlğanı qızmetten bosatqanın jariyalauda.

Prezident Tramp osığan baylanıstı jasağan mälimdemesinde: «Saud Arabiya bizdiñ  mañızdı odaqtasımız. Biraq, mınanday oqiğanıñ bolğanın qabıldauğa şarasızbın», – dedi. Biraq, ol söziniñ soñında: «Saud Arabiyasınıñ Haşoggi ölimi turalı alğaşqı mälimdemesi senimdi. Er-Riyad dwrıs qadamğa barğan», – dedi.

Alayda, Kongresstiñ keybir müşeleri Saud Arabiyasınıñ alğaşqı mälimdemesiniñ senimdiligine kümän keltirgen. Tramptıñ sayasi jaqtası, Respublikaşıldardıñ Senattağı müşesi Lindsi Grem: «Men konservativti türde Saud Arabiyasınıñ bwl mälimetine kümän keltiremin», – dedi.

Osıdan bwrın Tramp: «Tergeu nätijesinde Saud biligi jurnalist Haşoggidi öltirgeni rastalğan künde de, Qwrama Ştat Saud Arabiyasına qaru satudı toqtatpau kerek. Sebebi, biz qaru satpasaq, Er-Riyad Qıtaydan nemese Reseyden qaru satıp alatın boladı», – degen bolatın.

“The Qazaq Times”