2017 jıldıñ birinşi jartısında Özbekstan prezidenti Şavkat Mirziyaev memlekettik saparmen Qazaqstanğa keledi. Qazaqstan basşısı Nwrswltan Nazarbaev özbek äriptesin arnayı şaqırğan. Bwl turalı "Ortalıq Aziya habar qızmeti" mälimet beredi.
Taşkenttegi qazaqstandıq diplomatiyalıq qızmettiñ habarlauınşa, sapar barısında strategiyalıq äriptestik mäseleleri talqılanadı.
"Ötken jıldıñ ayağı men 2017 jıldıñ basında eki jaqtı qarım-qatınas belsendi dami bastadı. Soğan baylanıstı, şeşilui tiis köptegen swraqtar tuındadı. Osı orayda, eki memleket basşısınıñ kezdesui öte özekti bolıp otır" , – dedi Özbekstandağı Qazaqstan elşiligindegi derekköz.
Bwğan qosa jaqın uaqıtta tağı birqatar eki jaqtı kezdesuler men saparlar josparlanğan. Atap aytqanda, Qorğanıs jäne äskeri-tehnikalıq äriptestik jönindegi jaña ministrlik ökilderinen twratın qazaqstandıq delegaciya Özbekstanğa saparlap baradı. Wlttıq temir jol operatorları delegaciyaları da kezdesedi.
Elşilik mälimeti boyınşa, biıl eki el arasında resmi saparlar köp boladı.
Bwğan deyin habarlanğanday, Şavkat Mirziyaevtiñ Özbekstan prezidenti retindegi alğaşqı saparı Reseyge jasaladı. Özbekstan memleket basşısınıñ Reseyge saparına dayındıq bastalıp ketti.
«The Qazaq Times»
Venesueladağı äskeri operaciya: Tramptıñ mälimdemesi jäne aymaqtıq twraqsızdıq täuekeli
Irandağı narazılıqtar jäne AQŞ-tıñ ritorikası: aymaqtıq qauipsizdikke ıqpalı
Beybitşilikke böget bolğan logika: Ukraina–Resey soğısınıñ şeşilmeytin tüyini
Irandağı tolqular jäne Türkiyanıñ wstanımı: saqtıq, pragmatizm jäne geosayasi esep
Narazılıqtıñ tüp-törkini: Iran qoğamın alañğa şığarğan negizgi sebepter
Iran: ekonomikalıq küyzelis pen sayasi legitimdik dağdarıs