Adulla Razih. Foto: Khaama Press.

AQŞ-tıñ Auğanstandağı äskeri qolbasşısı Kadagarındağı jergilikti äskeri lauazımdılarmen kezdesuge barğan kezde Taliban qarulı küşteri şabuıl jasağan. Şabuılda Kandagar policiyasınıñ bastığı Abdulla Razihtı qamtığan üş ağa oficeri qaza tapqan.   Bwl turalı VOA aqparattıq qızmeti habarladı.

Jergilikti BAQ ökilderiniñ mälimetine qarağanda  Auğanstandağı AQŞ-tıñ generalı Skott Miller Kandagar gubernatorı jäne özge de resmi lauazımdı twlğalarmen kezdesuge barğan. Kezdesuşiler tikwşaqqa otıru kezinde qarulı şabuıl bolğan. Habarda jäne Skott Millerdiñ jaraqat almağanı aytıladı.

Abdulla Razih osıdan bwrın da birneşe ret Talibannıñ şabuıl qarauılına ilinip, aman qalğan bolatın. Alayda, kezekti şabuılda Kandagardıñ gubernatorı jäne Barlau böliminiñ direktorımen birge qaza bolğan.  Qaza bolğandar arasında bir operator da bar. Al, AQŞ-tıñ üş jauıngeri jaraqat alğan.

Abdulla Razihtıñ ölimin taraptar Auğanstanda Talibanğa qarsı kürestiñ ülken şığını dep bağalağan. 2011 jılı Razik Kandagardağı policiyanıñ basşısı bolıp tağayındalğan. Äri ol onda Talibanğa qarsı küreste atı şıqqan ağa oficer retinde belgili. 2014 jılı The New York Times basılımı onı «Taliban men jaularınıñ qorqınışı» dep atap, kölemdi maqala jariyalağan edi.

Taliban wyımı osıdan keyin arnayı mälimdeme jasap, qarulı şabuıldı öz moyınına aldı jäne şabuıldıñ Abdulla Razik pen Skott Millerge bağıttalğanın ayttı.

AQŞ qarulı küşteri jasağan mälimdemede, jaraqat alğandardıñ jağdayı birqalıptı ekenin, al şabuıl jasauşılardıñ öltirilgeni aytıldı.

Bügin tañerteñ AQŞ memlekettik hatşısı osığan baylanıstı mälimdeme jasap, AQŞ ükimetiniñ Auğanstan halqı men ükimetin qorğau üşin ondağı mindetterine tabandı bolatının qaytaladı.

 “The Qazaq Times”