Foto: image.inforesist.org

Euroodaq elderiniñ Sırtqı ister ministrligi himiyalıq qarudı jasauğa jäne qoldanuğa qatısı memleketterge qarsı sankciyalardı engizudiñ jaña rejimin maqwldadı. Bwl turalı Associated Press habarladı.

«Endi EO himiyalıq qarudı äzirleuge jäne qoldanuğa qatısı bar twlğalar men wyımdarğa qatıstı olardıñ sayasi bağıtı men ornalasqan jerine qaramastan jaña sankciyalar engizetin boladı», – delingen EO Keñesiniñ mälimdemesinde.

Solsberide eks-tıñşı Sergey Skripal'dıñ ulanuı men Süriya himiyalıq qaru qoldanğannan keyin Wlıbritaniya men Franciya sankciyalardıñ jaña rejimin engizudi wsınğan bolatın. Al birıñğay sankciyalardı äzirleu şeşimi osı jıldıñ mausım ayında EO sammitinde qabıldanğan. Bwl sankciyalar himiyalıq qarudı qoldanuğa qatısı bar memleket nemese adamdardıñ EO-ğa kiruine tıyım salıp, jeke jäne zañdı twlğalardıñ aktivterin bwğattaydı. Wsınısqa säykes şekteu şaraları himiyalıq qarudı jasau men qoldanuğa tikeley jauaptı adamdarğa da, olarğa qarjılıq jäne tehnikalıq qoldau körsetetin adamdarğa da qatıstı boladı. Sonday-aq mälimdemede: «Bwl şeşim himiyalıq qaruğa tıyım salu turalı konvenciyada közdelgendey, älemniñ är türli bölikterinde asa qauipti şabuıldar sanınıñ artuına baylanıstı himiyalıq qaruğa jahandıq tıyım saludı qoldaydı», – delingen.

«Telegraph» gazetinde atalğan sankciyalarğa ilikken memleket pen adamdardıñ qatarında Reseydiñ boluı mümkin ekenin jazılğan. Sebebi Uaşington mnen London Reseydiñ bwrınğı agenti Sergey Skripal' men qızı YUliya Skripal'ge «Resey barlau qızmetiniñ agentteri «Noviçok» himiyalıq uın qoldanğandığın» ayttı. Osığan deyin Wlıbritaniya OZHO-nı reformalau bastamasın kötergen. Ökilettikti jüzege asıru üşin üşin 82 el dauıs berdi. Al 24 memleket qarsılıq bildirdi. Olardıñ qatarında, eñ aldımen Resey, Süriya jäne Iran bar.

Ayta keteyik, 2018 jıldıñ tamız ayınıñ soñında Skripal'dıñ ulanuına baylanıstı AQŞ Reseyge qarsı sankciyalar engizgen bolatın. qatañ qaulı boyınşa Reseyge qorğanıs sektorı üşin tauarlar men qızmetter, sonday-aq himiyalıq qarudı öndiru üşin paydalanılatın tehnikalar men tauarlardı jetkizuge tıyım salındı. Uaşington tarapı Mäskeu himiyalıq qarudı öndirmeytinine jäne paydalanbaytınına kepildik bermey, ädettegidey astırtın äreketterge barsa, sankciyalardıñ ekinşi paketin qoldanatın bolamız eskertti.

"The Qazaq Times"