ەۋرووداق ەلدەرىنىڭ سىرتقى ىستەر مينيسترلىگى حيميالىق قارۋدى جاساۋعا جانە قولدانۋعا قاتىسى مەملەكەتتەرگە قارسى سانكتسيالاردى ەنگىزۋدىڭ جاڭا رەجيمىن ماقۇلدادى. بۇل تۋرالى Associated Press حابارلادى.
«ەندى ەو حيميالىق قارۋدى ازىرلەۋگە جانە قولدانۋعا قاتىسى بار تۇلعالار مەن ۇيىمدارعا قاتىستى ولاردىڭ ساياسي باعىتى مەن ورنالاسقان جەرىنە قاراماستان جاڭا سانكتسيالار ەنگىزەتىن بولادى»، – دەلىنگەن ەو كەڭەسىنىڭ مالىمدەمەسىندە.
سولسبەريدە ەكس-تىڭشى سەرگەي سكريپالدىڭ ۋلانۋى مەن ءسۇريا حيميالىق قارۋ قولدانعاننان كەيىن ۇلىبريتانيا مەن فرانتسيا سانكتسيالاردىڭ جاڭا رەجيمىن ەنگىزۋدى ۇسىنعان بولاتىن. ال بىرىڭعاي سانكتسيالاردى ازىرلەۋ شەشىمى وسى جىلدىڭ ماۋسىم ايىندا ەو سامميتىندە قابىلدانعان. بۇل سانكتسيالار حيميالىق قارۋدى قولدانۋعا قاتىسى بار مەملەكەت نەمەسە ادامداردىڭ ەو-عا كىرۋىنە تىيىم سالىپ، جەكە جانە زاڭدى تۇلعالاردىڭ اكتيۆتەرىن بۇعاتتايدى. ۇسىنىسقا سايكەس شەكتەۋ شارالارى حيميالىق قارۋدى جاساۋ مەن قولدانۋعا تىكەلەي جاۋاپتى ادامدارعا دا، ولارعا قارجىلىق جانە تەحنيكالىق قولداۋ كورسەتەتىن ادامدارعا دا قاتىستى بولادى. سونداي-اق مالىمدەمەدە: «بۇل شەشىم حيميالىق قارۋعا تىيىم سالۋ تۋرالى كونۆەنتسيادا كوزدەلگەندەي، الەمنىڭ ءار ءتۇرلى بولىكتەرىندە اسا قاۋىپتى شابۋىلدار سانىنىڭ ارتۋىنا بايلانىستى حيميالىق قارۋعا جاھاندىق تىيىم سالۋدى قولدايدى»، – دەلىنگەن.
«Telegraph» گازەتىندە اتالعان سانكتسيالارعا ىلىككەن مەملەكەت پەن ادامداردىڭ قاتارىندا رەسەيدىڭ بولۋى مۇمكىن ەكەنىن جازىلعان. سەبەبى ۋاشينگتون منەن لوندون رەسەيدىڭ بۇرىنعى اگەنتى سەرگەي سكريپال مەن قىزى يۋليا سكريپالگە «رەسەي بارلاۋ قىزمەتىنىڭ اگەنتتەرى «نوۆيچوك» حيميالىق ۋىن قولدانعاندىعىن» ايتتى. وسىعان دەيىن ۇلىبريتانيا وزحو-نى رەفورمالاۋ باستاماسىن كوتەرگەن. وكىلەتتىكتى جۇزەگە اسىرۋ ءۇشىن ءۇشىن 82 ەل داۋىس بەردى. ال 24 مەملەكەت قارسىلىق ءبىلدىردى. ولاردىڭ قاتارىندا، ەڭ الدىمەن رەسەي، ءسۇريا جانە يران بار.
ايتا كەتەيىك، 2018 جىلدىڭ تامىز ايىنىڭ سوڭىندا سكريپالدىڭ ۋلانۋىنا بايلانىستى اقش رەسەيگە قارسى سانكتسيالار ەنگىزگەن بولاتىن. قاتاڭ قاۋلى بويىنشا رەسەيگە قورعانىس سەكتورى ءۇشىن تاۋارلار مەن قىزمەتتەر، سونداي-اق حيميالىق قارۋدى ءوندىرۋ ءۇشىن پايدالانىلاتىن تەحنيكالار مەن تاۋارلاردى جەتكىزۋگە تىيىم سالىندى. ۋاشينگتون تاراپى ماسكەۋ حيميالىق قارۋدى وندىرمەيتىنىنە جانە پايدالانبايتىنىنا كەپىلدىك بەرمەي، ادەتتەگىدەي استىرتىن ارەكەتتەرگە بارسا، سانكتسيالاردىڭ ەكىنشى پاكەتىن قولداناتىن بولامىز ەسكەرتتى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟