F-35 wşağınıñ auanı jarıp ötui. Foto; ovnihoje.com

Älemdegi eñ jıldam, tehnikalıq mümkindikteri men jauıngerlik qabiletteri eñ joğarı soğıs wşağı bolıp sanalatın F-35 sanaulı elerinde ğana bar. Alayda, jaqında ğana AQŞ pen onıñ odaqtastarı zerttep jasağan wşaqtıñ barlıq elderdegi wşuın toqtattı. Bwğan Oñtüstik Karolina ştatındağı sınaq kezinde F-35V wşağınıñ qwlauı sebep boldı.

Qarulı küşter öz mälimdemesinde, barlıq F-35 wşaqtarı tehnikalıq tekseristen ötkizilip jatqanı aytılğan. Mälimetterge qarağanda, janarmay jetkizu, jağu qwrılğılarındağı aqau tekseristen ötude.

Atalğan super wşaqtıñ birqatar tehnikalıq kemşilikteri bar ekendigi jayında osığan deyin de talay ret habarlar tarağan. AQŞ-ta birneşe retki sınaq kezinde wşqış kabinasına ottegi jetispeu saldarınan apattı jağdaylar orın alğan bolatın.

28 qırküyekte qwlağan F-35 wşağınıñ apat sebebin tekseru qorıtındısı jariyalana salısımen osı türdegi barlıq wşaqtar wşuın toqtattı. Degenmen, janarmay qwrılğısındağı aqau barlıq wşaqtarğa tän emes. Bir bölim F-35 wşaqtarı aqauı bar jağarmay jetkizu tütikteri ornatılğan. Aldağı uaqıtta aqauı bar tütik ornatılğan wşaqtar tehnikalıq jöndeuden ötkiziledi. Al, özgesi wşuğa beriledi.

Amerikalıq äskeri öndiristiñ önimi sanalatın F-35 wşaqtarına reseylik SU-35 wşaqtarınan joğarı soğıs wşaqtarı ğana teñdese aladı. Degenmen, Resey T-50 wşaqtarın älemdegi eñ ozıq soğısker dep maqtan etedi. Alayda, F-35-tıñ köptegen qabiletteri T-50 wşağında kezdese bermeydi. Aytalıq, F-35 wşağınıñ keybir türleri tikwşaqqa wqsas ornınan tik köterile wşıp, tiginen qona aladı. Bwl äsirese teñiz küşteriniñ qabiletin arttıradı. Sebebi, tik wşıp-qona alatın soğıs wşağı soğıs kemeleriniñ kez kelgeninen senimdi serik bola aladı.

“The Qazaq Times”