AQŞ vice-prezidenti Mayk Pens. Foto: VOA.

Keşe keşte, AQŞ-tıñ jergilikti uaqıtımen 4 qazan küni tüsten bwrın vice-prezident Mayk Pens Tramp ükimetiniñ eki jıldan bergi Qıtayğa bağıttalğan sayasatı jönindegi eñ kölemdi bayandamanı jasadı.

Gudzon institutında jasalğan bayandamasında Mayk Pens Qıtaydıñ Oñtüstik Qıtay teñizindegi militarizaciyasın qatañ sınğa alıp, Tayvan'nıñ sırtqı sauda jäne investiciya sayasatına tosqauıl jasap, sayasi qısım körsetip otır dep ayıptadı. Bwdan tıs el azamattarına qısım tüsirip, jüris-twrısın baqılaudı küşeytip, qwqıqtarına qol swğıp otırğanın jäne AQŞ-tıñ demokratiyalıq jüyesine aralasıp otırğanına qatañ narazılıq tanıttı.

Ol sözinde AQŞ-tıñ barlau agenttikteriniñ tekseru nätijesine säykes Qıtaydıñ AQŞ-tağı demokratiyalıq jüyege, saylauğa aralasu äreketterin däleldeytin naqtı qwjattardıñ bar ekenin atap ötti.

AQŞ vice-prezidentiniñ mälimdemesinen keyin, Beyjiñ tarabı bügin tañerteñ qarsı mälimdeme jasap, Uaşingtonnıñ sının joqqa şığardı. Qıtay SİM-niñ resmi ökili Hua Çüniıñ arnayı baspasöz jiınında Mayk Penkstiñ Qıtaydıñ işki jäne sırtqı sayasattarı turalı aytqan barlıq ayıptauları negizsiz dep körsetti.

Qıtay SİM ökili Hua Çüniıñ. Foto: VOA.

Mayk Penstiñ Oñtüstik Qıtay teñizindegi Qıtaydıñ äskeri äreketteri turalı ayıptauına jauap retinde, Hua Çüniıñ: «Qıtay ärdayım jahandıq beybitşilik pen damudı jäne halıqaralıq qwqıqtardı qorğauşı el», – degen sözdermen jauap berdi.

AQŞ vice-prezidenti söziniñ soñında: «Qwrama Ştat Beyjiñmen qauipsizdik jäne damudı qamtamasız etu üşin konstruktivti qarım-qatınas ornatuğa ümitker. Biraq, Qıtaymen qarım-qatınasımız ädildikke negizdelgen, bir-biriniñ egemendigine, qwndılıqtarına degen özara qwrmet bolmasa biz bwl qadamdı jasay almaymız», – dedi.

Qazir AQŞ pen Qıtay qatınası barğan sayın şielenise tüsude. Mayk Penstiñ mälimedemsinen bwrın AQŞ memlekettik hatşısı Pompeonıñ Şığıs Aziya elderiniñ astanalarına barıp, ükimet basşılarımen öñirlik jäne jahandıq problemalardı talqılaytını habarlanğan bolatın. Bügin tañerteñgi mälimdemede Qıtay SİM ökili Pompeonıñ bwl retki saparı turalı da aytıp ötti.

Sarapşılardıñ pikirinşe, Pompeo saparı barısında qos taraptarda şielenisti jeñildetuge tırısatın boladı. Pompeo saparı AQŞ-Qıtay arasındağı şielenisti  şeşu joldarın qarastırudıñ bir retki orayı bolmaq. Alayda, Pompeonıñ Beyjiñ saparı eki el arasındağı barlıq mäselelerdi tübegeyli jaqsarta almaydı dep qaraydı.

“The Qazaq Times”