Foto: El Pais

Francuzdıq «lemonde.fr» aqparat agenttiginiñ habarlauınşa, Kuveyt 1990 jıldan beri alğaş ret AQŞ-qa mwnay tasımalın toqtatqan. Endi ol Aziya elderine köbirek mwnay satuğa nietti.

AQŞ-tıñ Energetika ministrligi basqarmasınıñ aqparattıq saytı da qırküyek ayınan bastap kuveyttik mwnaydıñ toqtatılğanın habarlağan. 28 qırküyekte vedomostva tarapınan jariyalanğan mälimetke säykes, üstimizdegi jıldıñ şilde ayında Kuveyt AQŞ-qa künine 63 mıñ barrel' mwnay importtağan. Al, 2017 jıldıñ sol ayında bwl körsetkiş künine 206 mıñ barrel' qwrağan. Kuveyttik mwnaydıñ AQŞ-qa tasımalı 2012-2014 jıldarı eñ ülken körsetkişke jetken.

1990 jılı Irakpen aradağı äskeri qaqtığıs saldarınan mwnay esportın uaqıtşa toqtatqanın aytpağanda, 28 jıl boyı qara altının AQŞ-qa üzdiksiz tasımaldap kelgen Kuveyttiñ bwl şeşimge baruına naqtı ne sebep bolğanı äzirge belgisiz. Mwnay saudasımen aynalısatın kuveyttik «Kuwait Petroleum» memlekettik kompaniyası da bwl aqparatqa qatıstı äli resmi mälimdeme jasamağan. Tek, «Iranğa salınğan sankciyalar mwnay öndiruşi özge elderge AQŞ-qa qarağanda bağası qımbatıraq Aziyağa köbirek mwnay satuğa mümkindik beredi», - degen «Lipow Oil Associates» konsaltingtik kompaniyası basşısı Endi Lipoudıñ sözinen Kuveyttiñ bwl şeşimine AQŞ-tıñ Iranğa qarsı sankciyasınıñ äseri boluı mümkin ekenin boljauğa boladı. Sonımen qatar, «Bloomberg» aqparattıq agenttigi Kuveyt mwnayınıñ AQŞ-qa barrel'ine 79 dollarğa satılsa, endi Aziya elderine şamamen barrel'ine 80 dollarğa eksporttalatının habarladı.

“The Qazaq Times”