Foto: Auğanstan prem'er-ministri

Auğan ükimeti «Taliban» qozğalısımen beybit kelissöz jasasuğa nietti. Bwl turalı Auğanstannıñ prem'er-ministri Abdulla Abdulla BWW Bas Assambleyasınıñ 73-sessiyasında mälimdedi.

Onıñ sözinşe, Auğanstan ükimeti terrorizmdi tüp-tamırımen qwrtuğa bağıttalğan barlıq jwmıstardı qolğa ala otırıp, terrorlıq wyımdarmen küresti jalğastıruda. Prem'er-ministr sonımen qatar keybir elderdiñ terrorlıq toptardı özderiniñ müddelerine qarsı qoldanıp jürgenin de atap ötti.

«Ükimet «Taliban» qozğalısımen beybit kelissözder jasauğa nietti. Eger, qozğalıs müşeleri beybit kelisim jönindegi wsınıstardı qoldaytın bolsa, Auğanstan azamattarınıñ barlıq qwqıqtarın paydalana aladı», - dep aytqan prem'er-ministr terrorlıq wyımdarğa tiesili lager'diñ barlığı olardıñ ornalasu orındarına qaramastan, jabıq boluı tiis ekenin de tilge tiek etti. «Qazirgi tañda Auğanstan quañşılıq, köşi-qon jäne terrorizm  sekildi mäselelermen küresude. Kabul özge elder de osı küreske qoldau körsetedi dep ümittenedi», - dedi ol.

“The Qazaq Times”