Foto: img.tsargrad.tv

Resey Süriyağa S-300 keşenderin jetkizudi bastadı. Bwl turalı Qorğanıs ministri Sergey Şoygu mälimdeydi.

«Süriyalıq qarulı küşterge eki apta işinde S-300 zamanaui zenittik zımıran keşeni beriledi. Ol 250 şaqırımnan astam qaşıqtıqtağı äue şabuılınıñ qwraldarın wstap, bir uaqıtta birneşe äue wşaqtarın zaqımday aladı», – dedi Şoygu.

Ministrdiñ aytuınşa, S-300 süriyalıq äue şabuılına qarsı qorğanıs mümkindikterin küşeytui tiis. Bwdan basqa Süriya armiyasınıñ komandalıq punktteri Reseydiñ qarulı küşterine ğana jetkiziletin avtomattandırılğan basqaru jüyelerimen jaraqtandırıladı. Esteriñizge sala keteyik, 17 qırküyekte Mäskeu uaqıtı boyınşa şamamen 23:00-de reseylik Il-20 barlau wşağı bortta 15 äskeri qızmetkerlermen Jerorta teñizine jetken kezde joğalıp ketken. Wşaq Jerorta teñizi akvatoriyasınıñ üstinde, jağalaudan şamamen 35 şaqırım jerdegi Hmeymim aviabazasına qonuğa bet alğan. Keyinnen wşaqtıñ apatqa wşırağanı belgili boldı. Resey biligi bwl iske Izrail' jauaptı degen şeşim şığardı.

"The Qazaq Times"