رەسەي سۇرياعا زەنيتتىك زىمىران ورناتادى

رەسەي سۇرياعا س-300 كەشەندەرىن جەتكىزۋدى باستادى. بۇل تۋرالى قورعانىس ءمينيسترى سەرگەي شويگۋ مالىمدەيدى.

«سۇريالىق قارۋلى كۇشتەرگە ەكى اپتا ىشىندە س-300 زاماناۋي زەنيتتىك زىمىران كەشەنى بەرىلەدى. ول 250 شاقىرىمنان استام قاشىقتىقتاعى اۋە شابۋىلىنىڭ قۇرالدارىن ۇستاپ، ءبىر ۋاقىتتا بىرنەشە اۋە ۇششاقتارىن زاقىمداي الادى»، – دەدى شويگۋ.

ءمينيستردىڭ ايتۋىنشا، س-300 سۇريالىق اۋە شابۋىلىنا قارسى قورعانىس مۇمكىندىكتەرىن كۇشەيتۋى ءتيىس. بۇدان باسقا ءسۇريا ارمياسىنىڭ كوماندالىق پۋنكتتەرى رەسەيدىڭ قارۋلى كۇشتەرىنە عانا جەتكىزىلەتىن اۆتوماتتاندىرىلعان باسقارۋ جۇيەلەرىمەن جاراقتاندىرىلادى. ەستەرىڭىزگە سالا كەتەيىك، 17 قىركۇيەكتە ماسكەۋ ۋاقىتى بويىنشا شامامەن 23:00-دە رەسەيلىك يل-20 بارلاۋ ۇشاعى بورتتا 15 اسكەري قىزمەتكەرلەرمەن جەرورتا تەڭىزىنە جەتكەن كەزدە جوعالىپ كەتكەن. ۇشاق جەرورتا تەڭىزى اكۆاتورياسىنىڭ ۇستىندە، جاعالاۋدان شامامەن 35 شاقىرىم جەردەگى حمەيميم اۆيابازاسىنا قونۋعا بەت العان. كەيىننەن ۇشاقتىڭ اپاتقا ۇشىراعانى بەلگىلى بولدى. رەسەي بيلىگى بۇل ىسكە يزرايل جاۋاپتى دەگەن شەشىم شىعاردى.

"The Qazaq Times"