Qarusızdandırılğan aymaq qwru turalı Reseymen jasalğan kelisimşartqa qol qoyılğannan keyin alğaş ret Türkiya bügin öziniñ arnayı küşterin Idlibke jiberdi, - dep habarlaydı yeniakit.com.tr.
Türik armiyası Türkiyanıñ Tundjeli qalasındağı kommandos küşterin kedendik baqılau nısanınıñ baqılauın arttıru üşin Idlibke jiberdi. Bwl — ötken aptada ğana aymaqtı qarusızdandıru jäne Idlibtegi terrorlıq toptı auır jäne jartılay auır qarulardan ayıruğa baylanıstı Türkiya men Resey arasında jasalğan kelisimşarttardan soñ jasalğan alğaşqı qadam bolıp sanaladı.
Endi, eki el arasındağı kelisimşartqa säykes, osı jıldıñ 10 qazanına deyin qaqtığıs alañınan barlıq auır qaru tügelge juıq şığarılıp bitui tiis. Al, 15 qazanğa deyin radikaldı toptardıñ bäri Idlibten 15-20 şaqırımğa deyin alıstatıluı kerek. Odan soñ, türik jäne orıs äskerileri taraptar arasında qaqtığıstıq jağday tuındatpau jäne kelisimşarttı saqtau maqsatında atalğan aymaqtı patrul'deytin boladı. Eger, Türkiya tarapı qarusızdandırılğan aymaqtağı özine jüktelgen mindetti orındağan jağdayda, qarusızdandıru rejimi osı jıldıñ soñına, yağni 15 jeltoqsanğa deyin jalğaspaq.
Kiberşabuılğa wşırağan BAQ ökilderi qwqıq qorğau organdarına arız tüsirdi
Oyan, Qazaqstan qozğalısınıñ tağı bir belsendisin policiya bölimine şaqırdı
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Eks-ministr äyelin sabap öltirdi degen küdikpen wstaldı