Фото: yeniakit.com.tr

Қарусыздандырылған аймақ құру туралы Ресеймен жасалған келісімшартқа қол қойылғаннан кейін алғаш рет Түркия бүгін өзінің арнайы күштерін Идлибке жіберді, - деп хабарлайды yeniakit.com.tr.

Түрік армиясы Түркияның Тунджели қаласындағы коммандос күштерін кедендік бақылау нысанының бақылауын арттыру үшін Идлибке жіберді. Бұл — өткен аптада ғана аймақты қарусыздандыру және Идлибтегі террорлық топты ауыр және жартылай ауыр қарулардан айыруға байланысты Түркия мен Ресей арасында жасалған келісімшарттардан соң жасалған алғашқы қадам болып саналады.

Енді, екі ел арасындағы келісімшартқа сәйкес, осы жылдың 10 қазанына дейін қақтығыс алаңынан барлық ауыр қару түгелге жуық шығарылып бітуі тиіс. Ал, 15 қазанға дейін радикалды топтардың бәрі  Идлибтен 15-20 шақырымға дейін алыстатылуы керек. Одан соң, түрік және орыс әскерилері тараптар арасында қақтығыстық жағдай туындатпау және келісімшартты сақтау мақсатында аталған аймақты патрульдейтін болады. Егер, Түркия тарапы қарусыздандырылған аймақтағы өзіне жүктелген міндетті орындаған жағдайда, қарусыздандыру режимі осы жылдың соңына, яғни 15 желтоқсанға дейін жалғаспақ.

The Qazaq Times