Foto: eadaily.com

Irannıñ BWW-dağı twraqtı ökili BWW-nıñ Qauipsizdik Keñesi men Bas hatşılığına Izrail'diñ yadrolıq bağdarlamasın mwqiyat zertteuge şaqırdı, - dep habarlaydı Tasnim.

Agenttiktiñ habarlauınşa, Iran Izrail' prem'eri Bin'yamin Netan'yahudiñ osınıñ aldında ğana jariyalağan mälimdemesin «halıqaralıq qauipsizdik pen beybitşilikke qauip töndiruşi» mälimdeme dep bağalap, halıqaralıq qauımdastıqtı Netan'yahudıñ sözine qatıstı qatañ şara qabıldauğa şaqırdı. Sonımen qatar, Izrail'diñ halıqaralıq erejelerdi ayaq astı etuine baylanıstı alañdauşılığın bildirdi. Tehran BWW Izrail'di yadrolıq qarudı taratpau turalı kelisimşartqa qol qoyuğa mäjbürlep, izrail'dik yadrolıq bağdarlamanı Atom energiyası jönindegi Halıqaralıq agenttikke (International Atomic Energy Agency) mwqiyat zertteudi wsındı. Ayta keteyik, izrail'dik Haaretz  basılımında Izrail' prem'eri Bin'yamin Netan'yahudiñ tamız ayındağı «Eger kimde-kim bizge qauip töndiretin bolsa, bizdiñ tarapımızdan da däl sonday qauip keletinin bilsin» degen mälimdemesi jariyalanğan edi. Basılım, Izrail' prem'eri osı sözi arqılı eldiñ yadrolıq potencialın meñzegen dep topşılaydı. Sonımen qatar, Izrail' halıqaralıq mindettemelerdi bwzıp, yadrolıq qaru qoldanuğa tırısadı dep ayıptağan edi. Atalğan eki el arasındağı ekijaqtı qırğiqabaqtıqtıñ bastalğanına qanşa uaqıt ötse de äli bir mämilege kele almauda. Mäselen, üstimizdegi jıldıñ säuir ayında Netan'yahu Izrail'de Irannıñ atomdıq bağdarlamasınıñ  «Amad jobası» attı qwpiya äskeri bazası bolğanın däleldeytin 100 mıñnan astam cifrlı jäne qağazdıq qwjattardıñ bar ekenin aytqan edi. Osı mäselede, Izrail' Irannıñ halıqaralıq mindettemelerdi bwzıp, yadrolıq bağdarlamalar turalı mälimetterin bolaşaqta qoldanu maqsatında jasırıp qoyğanın meñzegennen keyin Iran tarapı onıñ osı mälimdemesine qatıstı daulı is aşuğa niettenip otır.

“The Qazaq Times”