Qazaq boksşısı käsipqoy bokstan älem çempionı atandı

Bwl boks dodası Amerikanıñ Toledo qalasında ötti. Sayıs oñay bolğan joq. 12 raundqa sozıldı. Şayqas maydanınıñ bas keyipkerleri – Qazaqstannıñ käsipqoy boksşısı Janat Jaqiyanov (26-1, 18KO) pen amerikalıq Rouşi Uorren (14-1, 4KO). Ekeuiniñ talasıp jürgeni  – jeñil salmaqtağı WBA (Super) jäne IBO kategoriiyası boyınşa älem çempionı beldigi.

Sayıstıñ barısı turalı ayta ketsek, alğaşında amerikalıq bılğarı qolğap şeberiniñ arını basım bolıptı. Birinşi kezdesude qazaq boksşısın sürindirip, tipti nokdaunğa tüsirip jiberdi. Biraq, qaysar qazaq sportşısınıñ oğan beti qaytqan joq, ekinşi maydannan bastap, ırıqtı öz qolına ala bastadı. Sol eñsergennen qaytıp bas kötertken joq, üsti-üstine auır soqqınıñ astına ala berdi. 12 raundtıñ soñına şıqqanşa qazaq boksşısı qarsılasın äbden silkpeledi. Soñında, Rouşi Uorren rasın ayttı. Neşe ret sendelektep, büktetilip otırıp ta qaldı. Äytse de, ol da oñay şağılmaydı eken, oyınnıñ ayağına deyip şıdadı äyteuir. Biraq, töreşiler jeñisti qazaq boksşısı – Janat Jaqiyanovqa berdi.

Söytip, Janat öziniñ käsipqoy bokstağı 27 kezdesuin jeñispen ayaqtap, jeñil salmaqtağı WBA (Super) jäne IBO twjırımı boyınşa älem çempionı atandı.

Endi, atı älemge tanıla bastağan qazaq batırı, käsipqoy boksşı Janat Jaqiyanov jaylı az mälimet ayta keteyik. Janat – Qızıljar öñiriniñ tuması. Osığan deyin käispqoy boks alañdarında öner körsetip jürgenimen, ol halıqqa onşa tanımal emes-tin. Mümkin, olimpiada oyındarına qatıspağanınan da bolar.

Janat Jaqiyanov käsipqoy boksqa 2007 jılı kelgenimen, alğaşqı auqımdı jeñisine 2015 jılı qol jetkizdi. Ol WBA twjırımı boyınşa, Monte-Karloda ötken 12 raundtıq jekpe-jektete jeñil salmaqtağı uaqıtşa älem çempionı beldigine qol jetkizdi. Sol jılı tağı da sätti öner körsetip, EBU twjırımı boyınşa jeñil salmaqta Europa çempionı atağın jeñip alğan.

Qazirge deyin ötkizgen 26 kezdesuiniñ 25-inde jeñiske qol jetkizipti. Onıñ 18 kezdesuin uaqıtınan bwrın ayaqtağan. 2015 jıldıñ soñına qaray jaraqat alıp, bir jıldan astam emdelgen Janat, endi mine jaña jeñisine qol jetkizdi. ZZ degen janama atpen boks alañdarın bağındırıp jürgen Janat, käsipqoy boksta G.Golovkinnen keyingi qazaq sportşıları arasındağı ekinşi çemponımız bolıp otır.

Qazaq boksşısı Janat Jaqiyanovtıñ aldağı kezdesulerine de ülken tabıs tileymiz!