AQŞ-tağı Palestina wyımınıñ ortalığı. Foto: Associated Press

Qwrama Ştat ortalıq qalası Uaşingtonda ornalasqan Palestina wyımnıñ ökildigi jabılmaq. Bwl turalı«Associated Press» agenttigi habarladı. AQŞ Memlekettik departamenti atalğan ökildiktiñ Izrail'men ekijaqtı jäne nätijeli kelissöz jasamağanın jäne aldağı uaqıtta maqsattı josparlardıñ jüzege aspaytının aytqan.

Qwrama Ştattarındağı memlekettik hatşınıñ qoğamdıq diplomatiya boyınşa orınbasarı mindetin atqaruşı Hizer Noyert: «Bıltır qaraşada rwqsat merzim ayaqtalğannan keyin Palestinanı azat etu wyımınıñ ökildigine biz köp mümkindik berdik. Palestinalıqtar men izrail'dikterdiñ tatulastıq kelisim, jan-jaqtı bitimge keletin is-qimıldarın retteuge jağday jasadıq. Biraq, bwl wyım Izrail'men jüyeli josparlardı öz uaqıtında jüzege asırğan joq. Olar beybitşilik ornatu maqsatındağı jobalardı sınğa alıp, kerisinşe, AQŞ ükimetimen mañızdı bitimnen bas tarttı. Sondıqtan da äkimşilik Palestinanı azat etu wyımınıñ Uaşingtondağı ökildigin jabu turalı şeşim qabıldap otır. Bwl jerde biz bolaşaqqa jasaytın qadam men Kongresstiñ alañdauın eskerip otırmız», – dep mälimdedi.

Sonday-aq, Palestina basşılığı Aq üy basşısı Donal'd Tramptıñ Izrail' men Palestina qarım-qatınasın retteuge negizdelgen josparın sınağan.

Memlekettik departament «Associated Press» agenttigine aytqan mälimdemesinde «äli de jariyalanbağan jospardı sınağanı üşin» Palestina biligin ayıptadı.

"The Qazaq Times"