قۇراما شتات ورتالىق قالاسى ۋاشينگتوندا ورنالاسقان پالەستينا ۇيىمنىڭ وكىلدىگى جابىلماق. بۇل تۋرالى«Associated Press» اگەنتتىگى حابارلادى. اقش مەملەكەتتىك دەپارتامەنتى اتالعان وكىلدىكتىڭ يزرايلمەن ەكىجاقتى جانە ناتيجەلى كەلىسسوز جاساماعانىن جانە الداعى ۋاقىتتا ماقساتتى جوسپارلاردىڭ جۇزەگە اسپايتىنىن ايتقان.
قۇراما شتاتتارىنداعى مەملەكەتتىك حاتشىنىڭ قوعامدىق ديپلوماتيا بويىنشا ورىنباسارى مىندەتىن اتقارۋشى حيزەر نويەرت: «بىلتىر قاراشادا رۇقسات مەرزىم اياقتالعاننان كەيىن پالەستينانى ازات ەتۋ ۇيىمىنىڭ وكىلدىگىنە ءبىز كوپ مۇمكىندىك بەردىك. پالەستينالىقتار مەن يزرايلدىكتەردىڭ تاتۋلاستىق كەلىسىم، جان-جاقتى بىتىمگە كەلەتىن ءىس-قيمىلدارىن رەتتەۋگە جاعداي جاسادىق. بىراق، بۇل ۇيىم يزرايلمەن جۇيەلى جوسپارلاردى ءوز ۋاقىتىندا جۇزەگە اسىرعان جوق. ولار بەيبىتشىلىك ورناتۋ ماقساتىنداعى جوبالاردى سىنعا الىپ، كەرىسىنشە، اقش ۇكىمەتىمەن ماڭىزدى بىتىمنەن باس تارتتى. سوندىقتان دا اكىمشىلىك پالەستينانى ازات ەتۋ ۇيىمىنىڭ ۋاشينگتونداعى وكىلدىگىن جابۋ تۋرالى شەشىم قابىلداپ وتىر. بۇل جەردە ءبىز بولاشاققا جاسايتىن قادام مەن كونگرەسستىڭ الاڭداۋىن ەسكەرىپ وتىرمىز»، – دەپ مالىمدەدى.
سونداي-اق، پالەستينا باسشىلىعى اق ءۇي باسشىسى دونالد ترامپتىڭ يزرايل مەن پالەستينا قارىم-قاتىناسىن رەتتەۋگە نەگىزدەلگەن جوسپارىن سىناعان.
مەملەكەتتىك دەپارتامەنت «Associated Press» اگەنتتىگىنە ايتقان مالىمدەمەسىندە «ءالى دە جاريالانباعان جوسپاردى سىناعانى ءۇشىن» پالەستينا بيلىگىن ايىپتادى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى