Foto: achtungpartisanen.ru

CNN tilşileriniñ habarlauınşa, Resey Süriyadağı amerikalıq äskerler ornalasqan audandarğa soqqı jasauğa dayındalıp jatır. Bwl turalı Resey Amerika Qwrama Ştattarına eki ret eskertip aytqan.

Mälimetter boyınşa, AQŞ äskerleriniñ bazası Homs provinciyasındağı Et-Taif audanında ornalasqan. Mäskeu qanşa jerden şabuıl jasasa da, amerikalıq äskerilerdiñ tas-tüyin dayın ekendigi aytılğan. Onıñ üstine bwl bazada qarulı islamşıl toptar da bar.

Washington Post gazetiniñ osığan deyingi jazğan maqalasında qazirgi uaqıtta Süriyada eki mıñnan astam amerikalıq äskeriler bar ekendigi aytıladı.

Sonday-aq AQŞ prezidenti Donal'd Tramp Vaşingtonnıñ sol aymaqtağı diplomatiyalıq qısımdı jalğastıruğa jäne öz äskerin Süriyada qaldıra beruge kelisim bergenin ayttı. Al Resey Qorğanıs ministrligi bwğan deyin Pentagon Asadqa qarsı operaciya jürgizudi közdep, «ädeyi arandatu äreketin josparlaydı» dep mälimdegen bolatın.

Eske sala keteyik, ükimet äskeri Idlib provinciyasına şabuıldau turalı aytqannan soñ Süriyadağı jağday tipten uşığıp ketti. Sebebi, Idlib – Başar Asadqa qarsı qarulı toptar baqılauda wstaytın aqırğı provinciya. Osıdan jartı jıl bwrın Donal'd Tramp Süriyadan amerikalıq äskerilerdi qaytaru turalı söz etken. Al endi Tramp Süriyadağı barlıq iranşıl küşterdi, Iran äskerin şığarudı jäne elde twraqtılıq ornatudı maqsat etedi.

"The Qazaq Times"