CNN تىلشىلەرىنىڭ حابارلاۋىنشا، رەسەي سۇرياداعى امەريكالىق اسكەرلەر ورنالاسقان اۋداندارعا سوققى جاساۋعا دايىندالىپ جاتىر. بۇل تۋرالى رەسەي امەريكا قۇراما شتاتتارىنا ەكى رەت ەسكەرتىپ ايتقان.
مالىمەتتەر بويىنشا، اقش اسكەرلەرىنىڭ بازاسى حومس پروۆينتسياسىنداعى ەت-تايف اۋدانىندا ورنالاسقان. ماسكەۋ قانشا جەردەن شابۋىل جاساسا دا، امەريكالىق اسكەريلەردىڭ تاس-ءتۇيىن دايىن ەكەندىگى ايتىلعان. ونىڭ ۇستىنە بۇل بازادا قارۋلى يسلامشىل توپتار دا بار.
Washington Post گازەتىنىڭ وسىعان دەيىنگى جازعان ماقالاسىندا قازىرگى ۋاقىتتا ءسۇريادا ەكى مىڭنان استام امەريكالىق اسكەريلەر بار ەكەندىگى ايتىلادى.
سونداي-اق اقش پرەزيدەنتى دونالد ترامپ ۆاشينگتوننىڭ سول ايماقتاعى ديپلوماتيالىق قىسىمدى جالعاستىرۋعا جانە ءوز اسكەرىن ءسۇريادا قالدىرا بەرۋگە كەلىسىم بەرگەنىن ايتتى. ال رەسەي قورعانىس مينيسترلىگى بۇعان دەيىن پەنتاگون اسادقا قارسى وپەراتسيا جۇرگىزۋدى كوزدەپ، «ادەيى ارانداتۋ ارەكەتىن جوسپارلايدى» دەپ مالىمدەگەن بولاتىن.
ەسكە سالا كەتەيىك، ۇكىمەت اسكەرى يدليب پروۆينتسياسىنا شابۋىلداۋ تۋرالى ايتقاننان سوڭ سۇرياداعى جاعداي تىپتەن ۋشىعىپ كەتتى. سەبەبى، يدليب – باشار اسادقا قارسى قارۋلى توپتار باقىلاۋدا ۇستايتىن اقىرعى پروۆينتسيا. وسىدان جارتى جىل بۇرىن دونالد ترامپ ءسۇريادان امەريكالىق اسكەريلەردى قايتارۋ تۋرالى ءسوز ەتكەن. ال ەندى ترامپ سۇرياداعى بارلىق يرانشىل كۇشتەردى، يران اسكەرىن شىعارۋدى جانە ەلدە تۇراقتىلىق ورناتۋدى ماقسات ەتەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟