Foto: eadaily.com

Halqınıñ ömir jasınıñ wzaqtığı jağınan älemdegi bastı elderdiñ biri retinde tanılğan Japoniya zeynetke şığu merzimine qatıstı reforma jasauı mümkin. Eldiñ prem'er-ministri Sindzo Abe japoniyalıqtarğa zeynetke 70 jasta şığudı wsınuda. Esesine, olardıñ jalaqıları köterilmek. Bwl turalı Bi-bi-si agenttiginiñ francuz qızmeti habarlaydı.

Damığan elderdiñ köpşiligi zeynet merzimin 65 jasqa deyin wzartudı közdese, Japon biliginiñ olardan osı merzimdi 70 jasqa dein wzartumen erekşelengisi keledi. Sindzo Abe ükimetti altı jıldan beri basqarıp keledi.

Qazirgi tañda el twrğındarı 60 pen 70 jas aralığında, kez kelgen uaqıtta şığuğa qwqılı. Alayda, olarğa köbinese 65 jastan soñ şığu paydalıraq. Al, jwmısşıları ömirleriniñ soñına deyin jwmıs isteytin iri korporaciyalarda olardıñ zeynettik demalısqa negizinen 60 jastan keyin ketulerin kütedi.

Endi, zeynet jasın 70 etip naqtı bekitudi közdegen ükimet bwnı 2020 jılğa deyin jüzege asırudı közdeydi. Qazirgi ukaqıtta damığan elderdiñ köpşiligi osı mäselemen betpe-bet kelip, zeynet jasın aqırındap 65 jastan 70 jasqa deyin wzartuda. Degenmen, damığan elderde qartayu procesi jedeldegenmen, halıq sanınıñ azayuı bayqaluda. Mäselen, Japoniyada soñğı onjıldıqta el twrğındarı 1,3 miln-ğa azayğan.

“The Qazaq Times”