Foto: EPA

AQŞ Dubaydan N'yu-Yorkke "Emirates Airlines" äuekompaniyasınıñ wşağımen qaytqan jolauşılardıñ jappay auırıp qalu sebebin anıqtauğa tırısuda. Bwl turalı liberation.fr habarlaydı.

Särsenbi, 5-qırküyek küni Amerikanıñ Djon Kennedi atındağı äuejayına qonğan wşaq bortındağı jolauşılarımen qosa birden karantinge alınğan. Wşu kezinde bir mezette jüzden asa adam özderin qolaysız sezinip, köbisiniñ dene qızuı köterilip, basım köpşiliginde qattı jötel bastalğan. Wşaq ekipajı tötenşe jağday turalı AQŞ-tıñ tiisti organdarına habarlağan. Djon Kennedi atındağı äuejaydıñ jolauşılardı tekseruge arnalğan aymağında äue laynerin policiya men densaulıq saqtau qızmetkerleri kütip alğan. Därigerlerdiñ aytuınşa, jolauşılar arasında jötel, bas auruı, tamaq auruı jäne dene qızuı sındı aurular tirkelgen. «Biz sonda da test qorıtındıları qolımızğa timey twrıp, bwl aurudıñ naqtı sebebin ayta almaymız», - degen N'yu-Yorktegi Densaulıq saqtau Basqarması basşısınıñ orınbasarı Oksiris Barbot. Qazirgi tañda jwmbaq aurudıñ sebebi jan-jaqtı tekserilude.

“The Qazaq Times”