Фото: көрнекі сурет

Иранның Сыртқы Істер министрінің орынбасары Аббас Аракчи Еуропа елдерінің  5-қарашаға дейін «Ортақ қадам: жан-жақты бағдарламалар» деп те аталатын Иранның ядролық келісімшартын сақтап қалу үшін қажетті шараларды қолға алулары керек екенін ескертті. Бұл туралы «evrensel.net» А.Аракчидің Иранның мемлекеттік телеарнасына берген мәлімдемесіне сілтеме жасап хабарлайды.

Егер ондай шаралар қабылданбаса, Иран да осы келісімшарттан шығуы мүмкін.  Осы жылдың мамыр айында АҚШ құрамынан шыққан келісімшартты сақтап қалу үшін Еуропа елдерінің қараша айының соңына дейін уақыттары бар екенін хабарлаған Аракчи: «Егер, шешім табу тетіктері қолға алынбаса, ядролық келісімшартта қалудың біз үшін еш пайдасы қалмайды», - деген.

Телеарнаға айтқан сөзінде Аракчи ядролық келісімшартты өзі үшін қауіпсіздік ретінде көретін Еуропаның фирмаларды бір шешімге баруға бағыттай алмағанын және осы жағдайдың Иран үшін үлкен қиындық тудырғанын айтты. АҚШ билігі өзге елдердің келісімінсіз ядролық келісімшарттан шыққаннан кейін Иранға бағытталған санкцияларының алғашқы бөлімін өткен айда қолға алған еді. Енді, энергетика саласын да қамтыған санкциялардың екінші бөлімі 5-қарашада басталады деп күтілуде.

“The Qazaq Times”