فوتو: كورنەكى سۋرەت

يراننىڭ سىرتقى ىستەر ءمينيسترىنىڭ ورىنباسارى ابباس اراكچي ەۋروپا ەلدەرىنىڭ  5-قاراشاعا دەيىن «ورتاق قادام: جان-جاقتى باعدارلامالار» دەپ تە اتالاتىن يراننىڭ يادرولىق كەلىسىمشارتىن ساقتاپ قالۋ ءۇشىن قاجەتتى شارالاردى قولعا الۋلارى كەرەك ەكەنىن ەسكەرتتى. بۇل تۋرالى «evrensel.net» ا.اراكچيدىڭ يراننىڭ مەملەكەتتىك تەلەارناسىنا بەرگەن مالىمدەمەسىنە سىلتەمە جاساپ حابارلايدى.

ەگەر ونداي شارالار قابىلدانباسا، يران دا وسى كەلىسىمشارتتان شىعۋى مۇمكىن.  وسى جىلدىڭ مامىر ايىندا اقش قۇرامىنان شىققان كەلىسىمشارتتى ساقتاپ قالۋ ءۇشىن ەۋروپا ەلدەرىنىڭ قاراشا ايىنىڭ سوڭىنا دەيىن ۋاقىتتارى بار ەكەنىن حابارلاعان اراكچي: «ەگەر، شەشىم تابۋ تەتىكتەرى قولعا الىنباسا، يادرولىق كەلىسىمشارتتا قالۋدىڭ ءبىز ءۇشىن ەش پايداسى قالمايدى»، - دەگەن.

تەلەارناعا ايتقان سوزىندە اراكچي يادرولىق كەلىسىمشارتتى ءوزى ءۇشىن قاۋىپسىزدىك رەتىندە كورەتىن ەۋروپانىڭ فيرمالاردى ءبىر شەشىمگە بارۋعا باعىتتاي الماعانىن جانە وسى جاعدايدىڭ يران ءۇشىن ۇلكەن قيىندىق تۋدىرعانىن ايتتى. اقش بيلىگى وزگە ەلدەردىڭ كەلىسىمىنسىز يادرولىق كەلىسىمشارتتان شىققاننان كەيىن يرانعا باعىتتالعان سانكتسيالارىنىڭ العاشقى ءبولىمىن وتكەن ايدا قولعا العان ەدى. ەندى، ەنەرگەتيكا سالاسىن دا قامتىعان سانكتسيالاردىڭ ەكىنشى ءبولىمى 5-قاراشادا باستالادى دەپ كۇتىلۋدە.

“The Qazaq Times”