Foto: rfi.fr

Franciyanıñ Luv'e qalasınıñ birinşi sınıp oquşıları, klastastarımen pedal'derdi birge  aynaldırıp, bir avtobusta qayta aladı. 2017 jıldıñ basınan resmi türde municipalitet jaña mektep oquşılarına arnalğan «S’cool bus»  degen at qoyılğan  «velobustardı» qoldanısqa engizdi. Bwl turalı rfi.fr habarladı.

Luv'e qalasındağı Anatol' Frans atındağı bastauış mekteptiñ oquşıları jaña jıl qarsañındağı demalıstarınan keyin kütpegen tosın sıyğa tap boldı. Olar endi mektepten-üyge, üyden-mektepke Franciyadağı eñ erekşe transport türimen  (velosiped pedal'darı bar kvadrocikl) qatınaytın boldı. Balalarğa arnayı velosiped kaskası men türli-tüsti jiletter beriledi. Şamamen, olar 4 kilometr qaşıqtıqtı jürip ötedi, al jıldamdığı – 15km/sağat. Velobustar tek 10 adamğa ğana arnalğan jäne Franciyanıñ tar köşelerine jüruge ıñğaylastırılıp kişigirim etip jasalınğan. Äzirge baqılau üşin tek 3 velobus oquşılarğa qızmet etedi.  Al onıñ jürgizuşisi twraqtı türde aylıq alatın bolatın.

Foto: rfi.fr

Joğarıda atağanımızday bwl velobustarğa  «S’cool bus» degen atau berilgen. Ağılşın tilinen audarğanda  –  «mektep oquşıların arnalğan avtobus» degendi bildiredi. Al francuz tilinde «c’est cool bus» degen söz «erekşi avtobus» degendi mağınanı beredi eken.

Foto: rfi.fr

Joba avtorı Amori Pik'o osığan wqsas avtobustı Gollandiyada körgen. Öndiristik täjiribeden kelgennen keyin öziniñ aynalasındağılarğa ekologiyalıq taza transport jasau turalı ideyasın aytqan. Osıdan üş jıl bwrın  «S’cool bus» qoğamdıq birlestik qwrılıp,  Luv'e qalasında iske asa bastağan. Qaladağı municipalitet dotaciyasınıñ barlığın osı velobustarğa jwmsamaq. «S’cool bus» qoğamdıq birlestikpen qwnı 150 000 euro bolatın  arnayı kelisimşart jasaldı.

Rasımen, bwl ekologiyalıq taza avtobustar qatarına jatadı. Oquşılar da, mwğalimder de, ata-analar da quanıp jatqan körinedi. Bir jağınan bwl transport oquşılardı sportqa beyimdeydi.

«The Qazaq Times»