فرانتسياداعى وقۋشىلار ۇيلەرىنە «ۆەلوبۋسپەن» قايتادى

فرانتسيانىڭ لۋۆە قالاسىنىڭ ءبىرىنشى سىنىپ وقۋشىلارى، كلاستاستارىمەن پەدالدەردى بىرگە  اينالدىرىپ، ءبىر اۆتوبۋستا قايتا الادى. 2017 جىلدىڭ باسىنان رەسمي تۇردە مۋنيتسيپاليتەت جاڭا مەكتەپ وقۋشىلارىنا ارنالعان «S’cool bus»  دەگەن ات قويىلعان  «ۆەلوبۋستاردى» قولدانىسقا ەنگىزدى. بۇل تۋرالى rfi.fr حابارلادى.

لۋۆە قالاسىنداعى اناتول فرانس اتىنداعى باستاۋىش مەكتەپتىڭ وقۋشىلارى جاڭا جىل قارساڭىنداعى دەمالىستارىنان كەيىن كۇتپەگەن توسىن سىيعا تاپ بولدى. ولار ەندى مەكتەپتەن-ۇيگە، ۇيدەن-مەكتەپكە فرانتسياداعى ەڭ ەرەكشە ترانسپورت تۇرىمەن  (ۆەلوسيپەد پەدالدارى بار كۆادروتسيكل) قاتىنايتىن بولدى. بالالارعا ارنايى ۆەلوسيپەد كاسكاسى مەن ءتۇرلى-ءتۇستى جيلەتتەر بەرىلەدى. شامامەن، ولار 4 كيلومەتر قاشىقتىقتى ءجۇرىپ وتەدى، ال جىلدامدىعى – 15كم/ساعات. ۆەلوبۋستار تەك 10 ادامعا عانا ارنالعان جانە فرانتسيانىڭ تار كوشەلەرىنە جۇرۋگە ىڭعايلاستىرىلىپ كىشىگىرىم ەتىپ جاسالىنعان. ازىرگە باقىلاۋ ءۇشىن تەك 3 ۆەلوبۋس وقۋشىلارعا قىزمەت ەتەدى.  ال ونىڭ جۇرگىزۋشىسى تۇراقتى تۇردە ايلىق الاتىن بولاتىن.

فوتو: rfi.fr

جوعارىدا اتاعانىمىزداي بۇل ۆەلوبۋستارعا  «S’cool bus» دەگەن اتاۋ بەرىلگەن. اعىلشىن تىلىنەن اۋدارعاندا  –  «مەكتەپ وقۋشىلارىن ارنالعان اۆتوبۋس» دەگەندى بىلدىرەدى. ال فرانتسۋز تىلىندە «c’est cool bus» دەگەن ءسوز «ەرەكشى اۆتوبۋس» دەگەندى ماعىنانى بەرەدى ەكەن.

فوتو: rfi.fr

جوبا اۆتورى اموري پيكو وسىعان ۇقساس اۆتوبۋستى گوللانديادا كورگەن. وندىرىستىك تاجىريبەدەن كەلگەننەن كەيىن ءوزىنىڭ اينالاسىنداعىلارعا ەكولوگيالىق تازا ترانسپورت جاساۋ تۋرالى يدەياسىن ايتقان. وسىدان ءۇش جىل بۇرىن  «S’cool bus» قوعامدىق بىرلەستىك قۇرىلىپ،  لۋۆە قالاسىندا ىسكە اسا باستاعان. قالاداعى مۋنيتسيپاليتەت دوتاتسياسىنىڭ بارلىعىن وسى ۆەلوبۋستارعا جۇمساماق. «S’cool bus» قوعامدىق بىرلەستىكپەن قۇنى 150 000 ەۋرو بولاتىن  ارنايى كەلىسىمشارت جاسالدى.

راسىمەن، بۇل ەكولوگيالىق تازا اۆتوبۋستار قاتارىنا جاتادى. وقۋشىلار دا، مۇعالىمدەر دە، اتا-انالار دا قۋانىپ جاتقان كورىنەدى. ءبىر جاعىنان بۇل ترانسپورت وقۋشىلاردى سپورتقا بەيىمدەيدى.

«The Qazaq Times»