Foto: 20minutes.fr

Wlıbritaniyanıñ prem'er-ministri Tereza Mey Europa Odağı (EO) qwramınan şığuına qatıstı tağı da referendum ötkizu mäselesine nükte qoydı, - dep habarlaydı franciyalıq «20minutes.fr» agenttigi prem'er-ministrdiñ baspasöz qızmetine silteme jasap.

«Men ekinşi referendum ötkizu mäselesin qaytadan kötergisi kelgenderdiñ sözin tıñdamaymın», - degen Mey «Dauıs berudi qaytadan ötkizu azamattardıñ senimine qayau tüsirip, demokratiyanı asıra paydalanu bolıp sanalatının da» aytqan. Ol «The Telegraph» gazetindegi öziniñ bağanında Wlıbritaniyanıñ 2019 jıldıñ 29 naurızında Europa Odağınan şığatınına kepildik bere otırıp, ükimettiñ «britan halqınıñ demokratiyalıq şeşimin» orındaytının jazğan.

Eske salayıq, bwdan bwrın Wlıbritaniyanıñ Qarjı ministri Filipp Hammond «Brexit»-tiñ Bryussel'diñ kelisimsiz Birikken Ämirliktiñ byudjetine 80 mlrd funt sterling (105,5 mlrd dollar) köleminde şığın äkeletinin mälimdegen edi.

“The Qazaq Times”