Foto: «Hakkani jelisi» terrorlıq tobınıñ jetekşisi

«Bügin tañerteñ 1980 jıldardağı eñ tanımal terroristerdiñ biri, Auğanstan soğısınıñ komandiri Djallaluddin Hakkani qköz jwmdı», - dep auğanstandıq tälibterdiñ resmi mälimdemesine silteme jasap «Agence France-Presse» habarlaydı.

Atalğan agenttiktiñ habarlauınşa, Hakkani wzaq uaqıtqa sozılğan nauqasınan köz jwmğan. Ol AQŞ pen Pakistannan kömek alıp, Keñes Odağına qarsı küresip, Auğan soğısındağı liderlerdiñ biri bolğan. Al, 2001 jılı «Hakkani jelisiniñ» basşısı öziniñ bwrınğı odaqtastarı NATO men SŞA-ğa qarsı kwres aşa bastağan.

«Sputnik» basılımınıñ mälimetinşe, Auğan soğısı kezinde ol Ortalıq Barlau basqarmasınıñ nazarın audarğan. Auğanstandağı soğıstan keyin Hakkani öziniñ atımen jihadşılarmen, tipti «Äl-Kaidanıñ» lideri Usama Ben Ladenmen tığız qarım-qatınası bar terrorlıq top qwrıp, basqaradı. Keyin Djalaluddin wyım basşılığın balası Siradjuddin Hakkanige tabıstaydı. Al ol, qazirgi auğan tälibteri basşısınıñ kömekşisi.

«Hakkani jelisi» turalı ne bilemiz? Atalğan top 2012 jılı amerikalıq äsker men auğan ükimetiniñ nısandarına jasağan şabuılına baylanıstı terrorlıq top bolıp jariyalanğan. Al, mamandar osı toptı negizinen «Taliban» qozğalısı men «Äl-Kaida» wymımen tığız baylanısı bar degen pikirde. Köptegen aqparat közderi wyım jetekşisiniñ qaza tabuın wyımnıñ endigi älsireuimen baylanıstırıp, Auğanstandağı jağdaydıñ twraqtaluına negiz boluı mümkin dep esepteydi.

“The Qazaq Times”