Tramp äleumettik jelidegi paraqşasında Idlib soğısı turalı mälimdeme jasadı. Foto: talkRADIO.

AQŞ prezidenti Donal'd Tramp Süriyanıñ Idlb dağdarısına baylanıstı mälimdeme jasadı. Tvitter paraqşası arqılı jasağan mälimdemesinde Tramp Başar Asad rejimi, Resey jäne Iranğa qatañ eskertu jasadı.

Äleumettik jeli paraqşasında AQŞ prezidenti: «Başar Asad Idlib qalasına qandı şabuıl jasauğa wrınbauı kerek. Resey men Iran bwl şabuılğa jol beretin bolsa, bwl – ornı tolmas ülken qatelik bolmaq», – dedi. Tramp Idlib qalasında qaqtığıs bastalsa onıñ saldarınıñ auır bolatının, jüz mıñdağan adamnıñ qaza boluı mümkin ekenin de aytqan.

Idlib qalasında jäne onıñ mañındağı aymaqtarda 4 millionğa juıq adam ömir süredi. Äri, bwl aymaq Süriyadağı oppoziciyalıq toptardıñ soñğı tiyanağı bolıp sanaladı. Europa men Türkiya bolsa Idlibte tuıluı mümkin qaqtığıs bosqındardıñ ülken ağımın qalıptastıradı dep alañdaydı.

“The Qazaq Times”