ترامپ: يدليبتا سوعىس باستالسا ءجۇز مىڭداعان ادام قازا تابادى

اقش پرەزيدەنتى دونالد ترامپ ءسۇريانىڭ يدلب داعدارىسىنا بايلانىستى مالىمدەمە جاسادى. تۆيتتەر پاراقشاسى ارقىلى جاساعان مالىمدەمەسىندە ترامپ باشار اساد رەجيمى، رەسەي جانە يرانعا قاتاڭ ەسكەرتۋ جاسادى.

الەۋمەتتىك جەلى پاراقشاسىندا اقش پرەزيدەنتى: «باشار اساد يدليب قالاسىنا قاندى شابۋىل جاساۋعا ۇرىنباۋى كەرەك. رەسەي مەن يران بۇل شابۋىلعا جول بەرەتىن بولسا، بۇل – ورنى تولماس ۇلكەن قاتەلىك بولماق»، – دەدى. ترامپ يدليب قالاسىندا قاقتىعىس باستالسا ونىڭ سالدارىنىڭ اۋىر بولاتىنىن، ءجۇز مىڭداعان ادامنىڭ قازا بولۋى مۇمكىن ەكەنىن دە ايتقان.

يدليب قالاسىندا جانە ونىڭ ماڭىنداعى ايماقتاردا 4 ميلليونعا جۋىق ادام ءومىر سۇرەدى. ءارى، بۇل ايماق سۇرياداعى وپپوزيتسيالىق توپتاردىڭ سوڭعى تياناعى بولىپ سانالادى. ەۋروپا مەن تۇركيا بولسا يدليبتە تۋىلۋى مۇمكىن قاقتىعىس بوسقىنداردىڭ ۇلكەن اعىمىن قالىپتاستىرادى دەپ الاڭدايدى.

“The Qazaq Times”