АҚШ президенті Дональд Трамп Сүрияның Идлб дағдарысына байланысты мәлімдеме жасады. Твиттер парақшасы арқылы жасаған мәлімдемесінде Трамп Башар Асад режимі, Ресей және Иранға қатаң ескерту жасады.

Әлеуметтік желі парақшасында АҚШ президенті: «Башар Асад Идлиб қаласына қанды шабуыл жасауға ұрынбауы керек. Ресей мен Иран бұл шабуылға жол беретін болса, бұл – орны толмас үлкен қателік болмақ», – деді. Трамп Идлиб қаласында қақтығыс басталса оның салдарының ауыр болатынын, жүз мыңдаған адамның қаза болуы мүмкін екенін де айтқан.

Идлиб қаласында және оның маңындағы аймақтарда 4 миллионға жуық адам өмір сүреді. Әрі, бұл аймақ Сүриядағы оппозициялық топтардың соңғы тиянағы болып саналады. Еуропа мен Түркия болса Идлибте туылуы мүмкін қақтығыс босқындардың үлкен ағымын қалыптастырады деп алаңдайды.

“The Qazaq Times”