Qırğızstan prezidenti Sooronbay Jeenbekov Türki Keñesiniñ janınan jastarmen jwmıs isteytin arnayı hatşılıq qwrudı wsındı.

Qırğızstannıñ Şolpan-ata qalasında ötip jatqan Türkitildes elderdiñ VI-sammitinde qırğız basşısı Jeenbekov: «Qazirgidey geopolitikalıq jağdayda tuıstas elderdiñ jastarın tarihın, mädenietin, tili men bauırlas elderdiñ salt-dästürin boylarına siñirip ösiru ülken mañızğa ie. Tek osınday jolmen ğana jastardıñ radikalisterdiñ twzağına tüsuleriniñ nemese jat ideologiyalardı qabıldaularınıñ aldın aluğa boladı», - dedi. Qırğız basşısınıñ sözinşe, qwrıluı wsınılğan hatşılıqtıñ jwmısı jastardı da qamtitın integraciyalıq is-şaralar men jobalardı damıtuğa bağıttaluı tiis. S.Jeenbekov ekonomikanıñ ärtaraptandırıluına, kölik dälizderiniñ keñeytiluine, käsipkerliktiñ damıtıluına jäne investiciyalıq klimattıñ jaqsartıluına qajetti deñgeyde köñil bölu kerek dep sanaydı. «Osınday maqsattarda Ekonomika ministrleriniñ jwmısın jandandırıp, ekonomikalıq ıntımaqtastıq jönindegi jwmıs toptarın da damıtuımız kerek» ,  -  dedi ol.

Odan bölek, Qırğızstan teñizge şığatın mümkindigi joq el retinde Batıs pen Şığıs arasın tolıq baylanıstıratın transporttıq marşruttardı damıtuğa müddeli. Osığan baylanıstı «Qıtay — Qırğızstan — Özbekstan» temirjol magistralı qwrılısınıñ jobası ülken mañızğa ie ekenin de ayttı.

“The Qazaq Times”