Foto: Körneki suret

Iran Islam respublikası men Iran eki el arasındağı sauda-sattıqta amerikalıq dollarmen eseptesuden bas tartu turalı kelisimşartqa qol qoydı dep habarlaydı www.lci.fr.

AQŞ «Ortaq qadam jan-jaqtı bağdarlaması» dep te atalatın 2015 jılı jasalğan Irannıñ yadrolıq bağdarlamasınan şığıp, Iranğa qarsı sankciyaların qatañdatqan sätten bastap Irannıñ negizgi seriktesterimen aradağı ekijaqtı sauda-sattığı köp qiındıqqa wşırağan. Äsirese, bwl Irakpen aradağı saudanı edäuir deñgeyge şayqaltıp tastağan.  «Mehr» aqparattıq agenttiginiñ habarlauınşa, Iran-Irak sauda-önerkäsip palatasınıñ basşısı Yahiya Ale-Eşak taraptardıñ ekijaqtı saudada AQŞ dollarınan bas tartıp, eki eldiñ wlttıq valyutaları men euronı paydalanuğa keliskendikterin rastağan. Bwl qadamğa AQŞ-tıñ Islam respublikasına qatıstı qatañ sayasatı, yağni sankciyalardı qatañdatuı sebep bolğan. Yahiya Ale-Eşak Iraktıñ Irannıñ üş iri sauda seriktesteriniñ biri bolıp tabılatının, al Irannıñ Iraktıñ ekinşi sauda seriktesi ekenin aytıp, sol sebepten de AQŞ tarapınan qabıldanğan şeşimderdiñ osı elderdiñ sauda salaları üşin öte ülken soqqı bolğanın, sondıqtan da olardıñ Amerika dollarınan bas tartu siyaqtı qadamdarğa barudan basqa tañdauları qalmağanın da atap ötken.

Iran-Irak sauda-önerkäsip palatasınıñ basşısı özge elder de Irannan sabaq aladı äri üşinşi eldiñ özderiniñ sauda sayasatına aralasuına jol bermeydi dep esepteytinin de atap ötti.

“The Qazaq Times”