Foto: Halıqaralıq Futbol federaciyasınıñ (FIFA) bwrınğı vice-prezidenti Huan Anhel' Napout

Halıqaralıq Futbol federaciyasınıñ (FIFA) bwrınğı vice-prezidenti jäne Futboldıñ oñtüstikamerikalıq konfederaciyasınıñ bwrınğı jetekşisi Huan Anhel' Napout jemqorlıq isine baylanıstı tağız jılğa bas bostandığınan ayırıldı. Bwl turalı 20minutes.fr habarlauda.

Agenttiktiñ habarlauınşa, 60 jastağı paragvaylıqtıñ üş millionnan astam dolları kämpeskelenude. Sonımen qatar, ol milliondağan ayıppwl töleuge mindetteledi. 2017 jıldıñ jeltoqsan ayında sınşılar Napoutqa üş jarım million para aldı jäne 25 million dollar bopsalağan degen ayıp taqqan edi. Onımen qosa, Peru men Braziliya Futbol federaciyasınıñ bwrınğı jetekşisi Manuel' Burga men Hose Mariya Marin de jauapqa tartılğan bolatın. M. Burga aqtalıp şıqqanmen, M.Marin tört jılğa bas bostandığınan ayırılıp, aqşalay ayıppwl töleuge mindetelgen edi.

2015 jıldıñ mamır ayında FIFA-nıñ jemqorlıq dauınıñ ortasında qalğanı esimizde. Federaciyanıñ joğarı ökilderine Älem Çempionatı ötetin elderdi tañdauğa dauıs beru kezinde jäne teletranslyaciyağa qwqıq beru barısında para aldı degen ayıp tağılğan bolatın. 2015 jıldıñ 26 mamırında Şveycariyada FIFA-nıñ birneşe iri qızmetkerleri twtqındalğan edi. AQŞ-tıñ Ädilet ministrligi FIFA-dağı jemqorlıq auqımın 10 milliard dollarğa bağalağan bolatın.

“The Qazaq Times”