Elimizdegi eñ bedeldi wlttıq universitetterdiñ biri äl-Farabi atındağı QazWU Qazaqstannıñ joğarı oqu orındarınıñ işinde twñğış ret  postdoktorlıq bağdarlamasın aştı. Bwl mañızdı qadam universitetti ozıq älemdik deñgeydegi zertteu universitetterine aynaldıruğa jäne älemdik ğılımi-bilim beru qoğamdastığındağı qazaqstandıq ğılımnıñ bäsekege qabilettiligin odan äri arttıruğa bağıttalğan.

Düniejüzilik täjiribede potsdoktorantura institutı joğarı bilikti ğılımi kadrlardı dayarlaudıñ tiimdi nısandarınıñ biri, äri ğılımnıñ negizgi qozğaltqışı bolıp tabıladı. QazWU-dıñ joğarı halıqaralıq standarttarğa säykes keletin postdoktorantura bağdarlaması eñ aldımen ğılımi därejesi bar jas mamandardıñ käsibi biliktiligin arttırıp, olardıñ jürgizgen derbes ğılımi zertteulerin täjiribelik-konstruktorlıq äzirlemeler ayasında jäne joğarı reytingili ğılımi basılımdarında jariyalau arqılı özektiligin arttıru mümkindigin beredi.

Qazaqstandağı postdoktorantura bağdarlamasın alğaş aşqan joğarı oqu ornı retinde QazWU talanttı jas ğalımdardı qoldau ürdisin ayqındap, universitettiñ industriyalıq-innovaciyalıq jäne bilimge negizdelgen ekonomikanıñ ortalığı retinde qalıptasuınıñ kelesi kezeñin jüzege asıruda.

Bwl jañaşıldıq Qazaqstan üşin qajetti ğılımi kadrlardı dayarlauğa qatıstı mañızdı mäselelerdi şeşuge, jastardı «jılıstaudan» «tartuğa» jäne «ğwlamalardıñ aynalımına» jwmıldıruğa mümkindik beredi. Bağdarlama, sonday-aq, QazWU-dıñ ğılımi-zertteu jäne innovaciyalıq qızmetine tek qazakstandıq qana emes, sonımen birge bükil älemniñ ğalımdarın tartuğa septigin tigizetin boladı jäne de otandıq ğılımnıñ älemdik ğılımi-bilim beru keñistigine arı qaray integraciyalanuına mümkindik beredi.

Qazirgi uaqıtta universitet josparlı türde alğa jıljıp, bedeldi älemdik reytingilerdegi öz poziciyaların nığaytuda, sonday-aq zamanaui ğılımi-innovaciyalıq infraqwrılımı bar iri ziyatkerlik korporaciya bolıp tabıladı.

“The Qazaq Times”