ەلىمىزدەگى ەڭ بەدەلدى ۇلتتىق ۋنيۆەرسيتەتتەردىڭ ءبىرى ءال-فارابي اتىنداعى قازۇۋ قازاقستاننىڭ جوعارى وقۋ ورىندارىنىڭ ىشىندە تۇڭعىش رەت  پوستدوكتورلىق باعدارلاماسىن اشتى. بۇل ماڭىزدى قادام ۋنيۆەرسيتەتتى وزىق الەمدىك دەڭگەيدەگى زەرتتەۋ ۋنيۆەرسيتەتتەرىنە اينالدىرۋعا جانە الەمدىك عىلىمي-ءبىلىم بەرۋ قوعامداستىعىنداعى قازاقستاندىق عىلىمنىڭ باسەكەگە قابىلەتتىلىگىن ودان ءارى ارتتىرۋعا باعىتتالعان.

دۇنيەجۇزىلىك تاجىريبەدە پوتسدوكتورانتۋرا ينستيتۋتى جوعارى بىلىكتى عىلىمي كادرلاردى دايارلاۋدىڭ ءتيىمدى نىساندارىنىڭ ءبىرى، ءارى عىلىمنىڭ نەگىزگى قوزعالتقىشى بولىپ تابىلادى. قازۇۋ-دىڭ جوعارى حالىقارالىق ستاندارتتارعا سايكەس كەلەتىن پوستدوكتورانتۋرا باعدارلاماسى ەڭ الدىمەن عىلىمي دارەجەسى بار جاس مامانداردىڭ كاسىبي بىلىكتىلىگىن ارتتىرىپ، ولاردىڭ جۇرگىزگەن دەربەس عىلىمي زەرتتەۋلەرىن تاجىريبەلىك-كونسترۋكتورلىق ازىرلەمەلەر اياسىندا جانە جوعارى رەيتينگىلى عىلىمي باسىلىمدارىندا جاريالاۋ ارقىلى وزەكتىلىگىن ارتتىرۋ مۇمكىندىگىن بەرەدى.

قازاقستانداعى پوستدوكتورانتۋرا باعدارلاماسىن العاش اشقان جوعارى وقۋ ورنى رەتىندە قازۇۋ تالانتتى جاس عالىمداردى قولداۋ ءۇردىسىن ايقىنداپ، ۋنيۆەرسيتەتتىڭ يندۋستريالىق-يننوۆاتسيالىق جانە بىلىمگە نەگىزدەلگەن ەكونوميكانىڭ ورتالىعى رەتىندە قالىپتاسۋىنىڭ كەلەسى كەزەڭىن جۇزەگە اسىرۋدا.

بۇل جاڭاشىلدىق قازاقستان ءۇشىن قاجەتتى عىلىمي كادرلاردى دايارلاۋعا قاتىستى ماڭىزدى ماسەلەلەردى شەشۋگە، جاستاردى «جىلىستاۋدان» «تارتۋعا» جانە «عۇلامالاردىڭ اينالىمىنا» جۇمىلدىرۋعا مۇمكىندىك بەرەدى. باعدارلاما، سونداي-اق، قازۇۋ-دىڭ عىلىمي-زەرتتەۋ جانە يننوۆاتسيالىق قىزمەتىنە تەك قازاكستاندىق قانا ەمەس، سونىمەن بىرگە بۇكىل الەمنىڭ عالىمدارىن تارتۋعا سەپتىگىن تيگىزەتىن بولادى جانە دە وتاندىق عىلىمنىڭ الەمدىك عىلىمي-ءبىلىم بەرۋ كەڭىستىگىنە ارى قاراي ينتەگراتسيالانۋىنا مۇمكىندىك بەرەدى.

قازىرگى ۋاقىتتا ۋنيۆەرسيتەت جوسپارلى تۇردە العا جىلجىپ، بەدەلدى الەمدىك رەيتينگىلەردەگى ءوز پوزيتسيالارىن نىعايتۋدا، سونداي-اق زاماناۋي عىلىمي-يننوۆاتسيالىق ينفراقۇرىلىمى بار ءىرى زياتكەرلىك كورپوراتسيا بولىپ تابىلادى.

“The Qazaq Times”