AQŞ prezidenti men Soltüstik Koreya basşısınıñ tarihi kezdesui. Foto: Reuters.

AQŞ prezidenti Donal'd Tramp kütpegen jerden Soltüstik Koreyadağı mañızdı kezdesuge barmaytın boldı. Bwl turalı «Reuters» agenttigi habarlaydı.

Osığan deyingi Soltüstik Koreya basşısımen kezdesu barısında Donal'd Tramp Phen'yandağı yadrolıq qarusız aymaqtı zalalsızdandıru jöninde pikir bildirgen bolatın. Biraz uaqıt köleminde josparlanğan diplomatiyalıq is-sapardıñ toqtatıluı da sol sebepten. Tramp Qıtay men Soltüstik Koreya arasındağı progressiz baylanıstı qatañ sınğa alğan. Ol: «Phen'yandağı jağday Uaşingtonnıñ Beyjiñmen qarım-qatınasınıñ belgili bir bağıtta örbuine baylanıstı şeşiledi»  – degen pikir bildirdi. Eki el üşin sayasi-dramalıq şeşimge kelgen Tramp 12 mausımda Kim Çen Inmen ötken dialogında Phen'yan yadrolıq qarudan tübegeyli bas tartatının mälimdegen.

Tramp tvitterdegi jazbasında: «Memlekettik hatşı Mayk Pompeoğa Soltüstik Koreyağa barmauğa bwyrıq berdim. Meniñşe, biz äli de naqtı nätijeli bolatın iske qol jetkizgen joqpız» – dep jazdı. Al jauap retinde: «Prezidenttiñ bwl şeşimi öte dwrıs. Eki jaq bwl kelissözge tolıq dayın emes. Pompeo kelgen künniñ özinde, qwrqol qaytar edi»,– dep jazdı AQŞ-tıñ Koreyadağı elşisi Kristofer Hill.

Osığan deyin Tramp öz swhbatında Soltüstik Koreya men Qıtayğa jeke toqtalıp ötken. «Kimmen öte jaqsı «himiyalıq» baylanısımız bar. Aramızda himiyalıq reakciya jıldam jüredi. Oñtüstik pen Soltüstik Koreya basşıları 30 jıl boyı ter tökkende, men yadorlıq jarılıstardı dereu toqtattım. Rezonans tudı. Al Qıtayğa keler bolsaq,sauda soğısı men qarama-qayşılıqtarda uaqıtşa jağdaylar bolmaydı. Meniñ wğımımda qısqalıq joq. Tek şeksizdik bar. 11 qaraşada Qıtay törağasımen kezdesuden de eşteñe kütpeymin. Ol oğan äli dayın emes dep oylaymın», – dep tüyindegen.

"The Qazaq Times"