اقش پرەزيدەنتى مەن سولتۇستىك كورەيا باسشىسىنىڭ تاريحي كەزدەسۋى. فوتو: Reuters.

اقش پرەزيدەنتى دونالد ترامپ كۇتپەگەن جەردەن سولتۇستىك كورەياداعى ماڭىزدى كەزدەسۋگە بارمايتىن بولدى. بۇل تۋرالى «Reuters» اگەنتتىگى حابارلايدى.

وسىعان دەيىنگى سولتۇستىك كورەيا باسشىسىمەن كەزدەسۋ بارىسىندا دونالد ترامپ پحەنيانداعى يادرولىق قارۋسىز ايماقتى زالالسىزداندىرۋ جونىندە پىكىر بىلدىرگەن بولاتىن. ءبىراز ۋاقىت كولەمىندە جوسپارلانعان ديپلوماتيالىق ءىس-ساپاردىڭ توقتاتىلۋى دا سول سەبەپتەن. ترامپ قىتاي مەن سولتۇستىك كورەيا اراسىنداعى پروگرەسسىز بايلانىستى قاتاڭ سىنعا العان. ول: «پحەنيانداعى جاعداي ۋاشينگتوننىڭ بەيجىڭمەن قارىم-قاتىناسىنىڭ بەلگىلى ءبىر باعىتتا وربۋىنە بايلانىستى شەشىلەدى»  – دەگەن پىكىر ءبىلدىردى. ەكى ەل ءۇشىن ساياسي-درامالىق شەشىمگە كەلگەن ترامپ 12 ماۋسىمدا كيم چەن ىنمەن وتكەن ديالوگىندا پحەنيان يادرولىق قارۋدان تۇبەگەيلى باس تارتاتىنىن مالىمدەگەن.

ترامپ تۆيتتەردەگى جازباسىندا: «مەملەكەتتىك حاتشى مايك پومپەوعا سولتۇستىك كورەياعا بارماۋعا بۇيرىق بەردىم. مەنىڭشە، ءبىز ءالى دە ناقتى ناتيجەلى بولاتىن ىسكە قول جەتكىزگەن جوقپىز» – دەپ جازدى. ال جاۋاپ رەتىندە: «پرەزيدەنتتىڭ بۇل شەشىمى وتە دۇرىس. ەكى جاق بۇل كەلىسسوزگە تولىق دايىن ەمەس. پومپەو كەلگەن كۇننىڭ وزىندە، قۇرقول قايتار ەدى»،– دەپ جازدى اقش-تىڭ كورەياداعى ەلشىسى كريستوفەر حيلل.

وسىعان دەيىن ترامپ ءوز سۇحباتىندا سولتۇستىك كورەيا مەن قىتايعا جەكە توقتالىپ وتكەن. «كيممەن وتە جاقسى «حيميالىق» بايلانىسىمىز بار. ارامىزدا حيميالىق رەاكتسيا جىلدام جۇرەدى. وڭتۇستىك پەن سولتۇستىك كورەيا باسشىلارى 30 جىل بويى تەر توككەندە، مەن يادورلىق جارىلىستاردى دەرەۋ توقتاتتىم. رەزونانس تۋدى. ال قىتايعا كەلەر بولساق،ساۋدا سوعىسى مەن قاراما-قايشىلىقتاردا ۋاقىتشا جاعدايلار بولمايدى. مەنىڭ ۇعىمىمدا قىسقالىق جوق. تەك شەكسىزدىك بار. 11 قاراشادا قىتاي توراعاسىمەن كەزدەسۋدەن دە ەشتەڭە كۇتپەيمىن. ول وعان ءالى دايىن ەمەس دەپ ويلايمىن»، – دەپ تۇيىندەگەن.

"The Qazaq Times"