CNN aqparat agenttiginiñ habarlauınşa, Parij mañındağı qalada belgisiz bireu adamdarğa pışaqpen şabuıl jasağan. Oqiğadan eki adam qaza tauıp, bir adam auır jaraqat alğan. Qandı oqiğa Parijge jaqın Trap qalasında bolğan.

Jergilikti policiya tarauları habarlama taratıp: «Trap. Arnayı operaciya jürip jatır... Sizderden operaciya jürip jatqan audanmen jürmeuleriñizdi jäne qauipsizdikti saqtaularıñızdı swraymız», – dep eskertken.

Jedel izdestiru operaciyalarınıñ nätijesinde pışaq arqılı şabuıl jasağan küdikti qolğa tüsti. Sonday-aq, qaza tapqan eki adam küdiktiniñ  şeşesi men qarındası ekeni twraqtandırılğan.
Soñğı mälimetke süyensek, Parij mañında adamdarğa jasalğan şabuıldı TGIL wyımı öz moynına aldı.

"The Qazaq Times"