CNN اقپارات اگەنتتىگىنىڭ حابارلاۋىنشا، پاريج ماڭىنداعى قالادا بەلگىسىز بىرەۋ ادامدارعا پىشاقپەن شابۋىل جاساعان. وقيعادان ەكى ادام قازا تاۋىپ، ءبىر ادام اۋىر جاراقات العان. قاندى وقيعا پاريجگە جاقىن تراپ قالاسىندا بولعان.

جەرگىلىكتى پوليتسيا تاراۋلارى حابارلاما تاراتىپ: «تراپ. ارنايى وپەراتسيا ءجۇرىپ جاتىر... سىزدەردەن وپەراتسيا ءجۇرىپ جاتقان اۋدانمەن جۇرمەۋلەرىڭىزدى جانە قاۋىپسىزدىكتى ساقتاۋلارىڭىزدى سۇرايمىز»، – دەپ ەسكەرتكەن.

جەدەل ىزدەستىرۋ وپەراتسيالارىنىڭ ناتيجەسىندە پىشاق ارقىلى شابۋىل جاساعان كۇدىكتى قولعا ءتۇستى. سونداي-اق، قازا تاپقان ەكى ادام كۇدىكتىنىڭ  شەشەسى مەن قارىنداسى ەكەنى تۇراقتاندىرىلعان.
سوڭعى مالىمەتكە سۇيەنسەك، پاريج ماڭىندا ادامدارعا جاسالعان شابۋىلدى تگيل ۇيىمى ءوز موينىنا الدى.

"The Qazaq Times"