Reseydiñ qorğanıs önerkäsiptik firması «Rosoboroneksport» mälimdeme jasap, Türkiyağa satıp beretin S-400 zımıran qorğanıs jüyelerin 2019 jılı tolıqtay ötkizip beretinin mälimdedi. Bwl turalı Türkiyanıñ «Anadolı» aqparattıq agenttigi habarladı.

Äue qorğanısına arnalğan S-400-di satıp beru jäne satıp alu kelisim qwnı 2,5 mlrd AQŞ dolların qwraydı. S-400 tolıqtay ötkizilip berse Türkiya bwl äue qorğanıs qwrılğısın paydalanğan alğaşqı NATO müşesi bolmaq.

S-400 wşqıştı jäne wşqışsız wşu apparattarınan tartıp ballistikalıq zımırandarğa deyin äuede wstap joyuğa qabiletti. Baqılauına alatın aumaqtıñ radiusı 400 şaqırım. Qwrılğıdan wşıp şıqqan zımıran 30 şaqırım biiktikke deyin köterile aladı. Bir nüktege ornatılğan atalğan qorğanıs jüyesi 80 nısandı joya aladı jäne är nısanğa qatarınan eki zımıran bağıttay aladı.

Reseylik bwl qorğanıs jüyesine qazirge deyin tek amerikalıq «Thaad» zımıran qorğanıs jüyesi ğana teñdese aladı.

“The Qazaq Times”