Түркия 2019 жылы S-400 Қорғаныс жүйесіне ие болмақ. The Duran

 

Ресейдің қорғаныс өнеркәсіптік фирмасы «Рособоронэкспорт» мәлімдеме жасап, Түркияға сатып беретін S-400 зымыран қорғаныс жүйелерін 2019 жылы толықтай өткізіп беретінін мәлімдеді. Бұл туралы Түркияның «Анадолы» ақпараттық агенттігі хабарлады.

Әуе қорғанысына арналған S-400-ді сатып беру және сатып алу келісім құны 2,5 млрд АҚШ долларын құрайды. S-400 толықтай өткізіліп берсе Түркия бұл әуе қорғаныс құрылғысын пайдаланған алғашқы НАТО мүшесі болмақ.

S-400 ұшқышты және ұшқышсыз ұшу аппараттарынан тартып баллистикалық зымырандарға дейін әуеде ұстап жоюға қабілетті. Бақылауына алатын аумақтың радиусы 400 шақырым. Құрылғыдан ұшып шыққан зымыран 30 шақырым биіктікке дейін көтеріле алады. Бір нүктеге орнатылған аталған қорғаныс жүйесі 80 нысанды жоя алады және әр нысанға қатарынан екі зымыран бағыттай алады.

Ресейлік бұл қорғаныс жүйесіне қазірге дейін тек америкалық «Thaad» зымыран қорғаныс жүйесі ғана теңдесе алады.

“The Qazaq Times”