رەسەي وزىق قورعانىس جۇيەسىن 2019 جىلى تۇركياعا وتكىزىپ بەرەتىنىن مالىمدەدى

رەسەيدىڭ قورعانىس ونەركاسىپتىك فيرماسى «روسوبورونەكسپورت» مالىمدەمە جاساپ، تۇركياعا ساتىپ بەرەتىن S-400 زىمىران قورعانىس جۇيەلەرىن 2019 جىلى تولىقتاي وتكىزىپ بەرەتىنىن مالىمدەدى. بۇل تۋرالى تۇركيانىڭ «انادولى» اقپاراتتىق اگەنتتىگى حابارلادى.

اۋە قورعانىسىنا ارنالعان S-400-ءدى ساتىپ بەرۋ جانە ساتىپ الۋ كەلىسىم قۇنى 2,5 ملرد اقش دوللارىن قۇرايدى. S-400 تولىقتاي وتكىزىلىپ بەرسە تۇركيا بۇل اۋە قورعانىس قۇرىلعىسىن پايدالانعان العاشقى ناتو مۇشەسى بولماق.

S-400 ۇشقىشتى جانە ۇشقىشسىز ۇشۋ اپپاراتتارىنان تارتىپ بالليستيكالىق زىمىراندارعا دەيىن اۋەدە ۇستاپ جويۋعا قابىلەتتى. باقىلاۋىنا الاتىن اۋماقتىڭ راديۋسى 400 شاقىرىم. قۇرىلعىدان ۇشىپ شىققان زىمىران 30 شاقىرىم بيىكتىككە دەيىن كوتەرىلە الادى. ءبىر نۇكتەگە ورناتىلعان اتالعان قورعانىس جۇيەسى 80 نىساندى جويا الادى جانە ءار نىسانعا قاتارىنان ەكى زىمىران باعىتتاي الادى.

رەسەيلىك بۇل قورعانىس جۇيەسىنە قازىرگە دەيىن تەك امەريكالىق «Thaad» زىمىران قورعانىس جۇيەسى عانا تەڭدەسە الادى.

“The Qazaq Times”