Foto: Körneki suret

Türkiyanıñ Qorğanıs ministri amerikalıq äskerilermen ortaq äreketke dayındalıp jatqandıqtarın mälimdedi. Bwl turalı «ahaber.com.tr» ministrliktiñ baspasöz qızmetine silteme jasap habarlaydı.

Süriyanıñ Mandjib qalasın birigip patrul'deu jwmıstarı üşin jaqın künderi Türkiya men AQŞ jattığular bastamaqşı. Osı turalı mälimetti rastağanmen Türkiyanıñ Qorğanıs ministri Hulusi Akar naqtı uaqıtın atamağan. Atalğan aqparat köziniñ habarlauınşa, patrul'deu jattığu jwmıstarı ayaqtalğannan keyin, 3-4 aptadan soñ bastaladı. Sonımen, jattığudıñ bastı maqsatı — eki eldiñ äskeri araqatınasın jaqsartu. Odan bölek, äskerilerge birigip äreket etudiñ şarttarı da üyretilmek. Eske salayıq, bwdan bwrın aqparat qwraldarı AQŞ-tıñ Süriyadağı jağdaydı twraqtandıruğa bağıttalğan qarjılıq bağdarlamanı joyatını turalı habarlağan edi.

“The Qazaq Times”