Фото: Көрнекі сурет

Түркияның Қорғаныс министрі америкалық әскерилермен ортақ әрекетке дайындалып жатқандықтарын мәлімдеді. Бұл туралы «ahaber.com.tr» министрліктің баспасөз қызметіне сілтеме жасап хабарлайды.

Сүрияның Манджиб қаласын бірігіп патрульдеу жұмыстары үшін жақын күндері Түркия мен АҚШ жаттығулар бастамақшы. Осы туралы мәліметті растағанмен Түркияның Қорғаныс министрі Хулуси Акар нақты уақытын атамаған. Аталған ақпарат көзінің хабарлауынша, патрульдеу жаттығу жұмыстары аяқталғаннан кейін, 3-4 аптадан соң басталады. Сонымен, жаттығудың басты мақсаты — екі елдің әскери арақатынасын жақсарту. Одан бөлек, әскерилерге бірігіп әрекет етудің шарттары да үйретілмек. Еске салайық, бұдан бұрын ақпарат құралдары АҚШ-тың Сүриядағы жағдайды тұрақтандыруға бағытталған қаржылық бағдарламаны жоятыны туралы хабарлаған еді.

“The Qazaq Times”